రాశి ఆసక్తికర వ్యాఖ్యలు: నా పక్కన ఆయన అనుకున్నా.. అజయ్ ఘోష్ని చూసి ఆశ్చర్యపోయా
రాశి మాట్లాడుతూ… నా పక్కన అజయ్ నటిస్తారని దర్శకుడు చెప్పారు. దాంతో నేను పొడుగ్గా ఉండే నటుడు అనుకున్నాను. కానీ తర్వాత అజయ్ ఘోష్ అని తెలిసి షాక్ అయ్యానని చెప్పుకొచ్చింది.
దిశ, వెబ్ డెస్క్: సీనియర్ స్టార్ నటి రాశి గురించి ప్రత్యేక పరిచయం అవసరం లేదు. ఈ మధ్యకాలంలో ఈమె చాలా సినిమాల్లో కీలక, ముఖ్య పాత్రల్లో నటిస్తూ వస్తోంది. తాజాగా ఈమె తిరువీర్ హీరోగా రూపొందిన ‘పాపం ప్రతాప్’ చిత్రంలో కీలకమైన పాత్రలో నటించింది. ఈ సినిమా ఈరోజు విడుదలై మంచి టాక్ను తెచ్చుకుంది. దాంతో ఈ మూవీ బృందం థ్యాంక్స్ మీట్ను ఏర్పాటు చేసింది. అందులో రాశి కూడా పాల్గొన్నారు. ఈ ఈవెంట్లో భాగంగా రాశి చేసిన కామెంట్స్ ప్రస్తుతం పెద్ద ఎత్తున వైరల్గా మారాయి.
రాశి మాట్లాడుతూ… “ఒక రోజు దర్శకుడు నాకు కథ చెప్పడానికి వచ్చాడు. నాకు కథ బాగా నచ్చింది. ఆ తర్వాత మీ పక్కన అజయ్ గారు నటిస్తారని అన్నారు. దాంతో పొడుగ్గా ఉండే ఒక నటుడు ఉంటాడు, ఆయనే అనుకుని నేను ఫిక్స్ అయ్యాను. నాకు అప్పటికే అజయ్ ఘోష్ గారు తెలుసు, కానీ ఆయన పేరు అదని తెలియదు. రంగస్థలంలో ఆయన నటన అంటే నాకు చాలా ఇష్టం. ఒక రోజు నేను సెట్కి వెళ్లాను. నన్ను మేకప్ చేసుకోమన్నారు. అజయ్ యంగ్గా ఉంటాడని, నేను కూడా కాస్త యంగ్గా కనిపించేలా మేకప్ వేసుకున్నాను.
ఆ తర్వాత డైరెక్టర్ వచ్చి ‘మీరు చాలా యంగ్గా కనిపిస్తున్నారు, అలా ఉండాల్సిన అవసరం లేదు’ అన్నారు. దాంతో ‘ఏం చేయాలి?’ అని అడిగాను. మీరు వెంట్రుకలను ముడుచుకోమన్నారు. నేను అలాగే చేశాను. ఆ తర్వాత షూటింగ్ స్పాట్కి వెళ్లాక అజయ్ ఘోష్ గారు నా పక్కన నటిస్తున్నారని తెలిసింది. దాంతో నేను షాక్ అయ్యాను. కానీ ఆయన నటన చూసి కూడా నేను ఆశ్చర్యపోయాను. ఆయన సింగిల్ టేక్ ఆర్టిస్ట్. ఆయనతో కలిసి నటించడం చాలా ఆనందంగా అనిపించింది” అని రాశి చెప్పుకొచ్చింది. తాజాగా రాశి చేసిన ఈ వ్యాఖ్యలు సోషల్ మీడియాలో వైరల్గా మారాయి.
