పెద్ది అప్డేట్.. హైదరాబాద్‌ అల్యూమినియం ఫ్యాక్టరీలో హై-ఇంటెన్సిటీ ఫైట్ సీన్ షూటింగ్

దిశ, వెబ్‌డెస్క్: మెగా పవర్ స్టార్ రామ్ చరణ్.. బాలీవుడ్ నటి జాన్వీ కపూర్ నటిస్తోన్న పెద్ది సినిమా (Peddi Movie) నుంచి మరో అప్డేట్ వచ్చింది. ఈ మూవీలో అతి కీలకమైన ఫైట్ సీక్వెన్స్‌ను హైదరాబాద్‌లోని అల్యూమినియం ఫ్యాక్టరీలో భారీ సెట్ వేసి షూట్ చేస్తున్నారు. ఈ యాక్షన్ బ్లాక్‌ను బాలీవుడ్ ప్రముఖ స్టంట్ డైరెక్టర్ షామ్ కౌశల్ (విక్కీ కౌశల్ తండ్రి, దంగల్ ఫేమ్) సూపర్‌విజన్‌లో తీస్తున్నారు. స్టంట్ మాస్టర్‌గా నవకాంత్ పని చేస్తున్నారు. ప్రస్తుతం జరుగుతున్న షూటింగ్‌లో రామ్ చరణ్‌తో పాటు కన్నడ సూపర్‌స్టార్ శివరాజ్‌కుమార్ కూడా పాల్గొంటున్నారు. ఈ ఫైట్ సీక్వెన్స్ సినిమాలో హై-ఇంటెన్సిటీ ఫైట్ సీన్ గా ఉండబోతోందని తెలుస్తోంది.

బుచ్చిబాబు సాన దర్శకత్వంలో తెరకెక్కుతోన్న ఈ భారీ విలేజ్ స్పోర్ట్స్ యాక్షన్ డ్రామా సినిమాను వృద్ధి సినిమాస్ బ్యానర్‌పై వెంకట సతీష్ కిలారు నిర్మిస్తున్నారు. మైత్రి మూవీ మేకర్స్, సుకుమార్ రైటింగ్స్ సంయుక్తంగా ప్రెజెంట్ చేస్తున్నారు. డైరెక్టర్ బుచ్చిబాబు ఎక్కడా రాజీ పడకుండా.. పర్ఫెక్షనిస్ట్‌గా ప్రతి యాక్షన్ సీన్‌కు ప్రత్యేకమైన కాన్సెప్ట్‌లతో, అదిరిపోయే ఎగ్జిక్యూషన్‌తో తెరకెక్కిస్తున్నారు.

సినిమా ఫస్ట్ లుక్ పోస్టర్స్, గ్లింప్స్‌కు ఇప్పటి వరకూ అద్భుత స్పందన లభించింది. మొదటి సింగిల్ “చికిరి చికిరి” సాంగ్ 110 మిలియన్ వ్యూస్ దాటేసి ప్రపంచవ్యాప్తంగా ట్రెండింగ్ అవుతూ.. ఈ ఏడాది అతిపెద్ద చార్ట్‌బస్టర్‌లలో ఒకటిగా నిలిచింది. పెద్ది సినిమాలో జగపతి బాబు, దివ్యేందు శర్మ కీలక పాత్రలు పోషిస్తున్నారు. ఆస్కార్ విజేత ఏఆర్ రెహమాన్ సంగీతం, రత్నవేలు సినిమాటోగ్రఫీ, నేషనల్ అవార్డు విజేత నవీన్ నూలి ఎడిటింగ్ చేస్తున్నారు.“పెద్ది” 2026 మార్చి 27న పాన్ ఇండియా లెవెల్‌లో థియేటర్లలో గ్రాండ్ రిలీజ్ కానుంది.