హెరిటేజ్ హంగులో రకుల్ గ్లామర్ అదుర్స్..

దిశ, వెబ్ డెస్క్: హిందుస్తాన్ టైమ్స్ సిటీ షోస్టాపర్స్ కార్యక్రమం కోసం ఇటీవల రకుల్ ప్రీత్ సింగ్ దిగిన ఫోటోలు అందరినీ మంత్రముగ్ధులను చేస్తున్నాయి.నవ్యసా బై లివా రూపొందించిన పాతకాలపు పూల డిజైన్ చీరలో ఆమె తళతళ మెరిసిపోతోంది. చీర అందాన్ని మరింత పెంచుతూ, రకుల్ అరుదైన బస్రా ముత్యాలతో తయారైన నెక్లెస్ ధరించింది.. చౌలాజ్ హెరిటేజ్ జ్యూవెల్స్ కలెక్షన్‌లో ఉన్న, వందేళ్ల నాటి ప్రాచీన నెక్లెస్ అది..ముంబైలోని ది ఒబెరాయ్ హోటల్ వేదికగా జరిగిన ఈ ఫోటోషూట్‌కు శారా అష్రాఫ్ ప్రయాగ్ నేతృత్వం వహించారు. ఫోటోగ్రాఫర్ తేజస్ నేరుర్కర్ కెమెరా క్లిక్‌లతో రకుల్ అందాన్ని అద్భుతంగా పట్టుకున్నారు.

స్టైలిస్ట్ కరిష్మా పాటిదార్ మినహా, ఒక గొప్ప క్రియేటివ్ బృందం ఈ మేజిక్‌కు సహకరించింది. ఈ ఫోటోషూట్ సందర్భంగా రకుల్ తన సినీ ప్రయాణాన్ని తలుచుకుంది. ఢిల్లీ అమ్మాయి బాలీవుడ్ స్టార్‌గా ఎదిగిన తన కథను చర్చించింది. సినీ రంగంలోకి అడుగుపెట్టినప్పుడు "ఇట్ గర్ల్" అంటే ఏమిటో కూడా తెలియదని చెప్పిన రకుల్, అప్పటి వాస్తవాలను గుర్తు చేసింది.. హీరోయిన్ల కెరీర్ అయిదారు ఏళ్లకే ముగుస్తుందని తప్పుడు అభిప్రాయాలు విస్తరించాయని చెప్పింది. అయితే ఈ రోజుల‌లో పరిస్థితి పూర్తిగా మారిపోయిందని రకుల్ విశ్వాసం వ్యక్తం చేసింది. "సౌందర్యం, కృషి, నిబద్ధత ఉంటే, వయస్సు తేడా లేకుండా హీరోయిన్లు సుదీర్ఘకాలం తమ కీర్తిని నిలుపుకోగలరని" ఆమె నమ్మకం.

అమితాబ్ బచ్చన్, టబు లాంటి వారిలా ఇండస్ట్రీలో ఓ చిరస్థాయిగా నిలవాలన్నది ఆమె లక్ష్యం. తెలుగు సినిమాలతో తన ప్రయాణాన్ని ప్రారంభించిన రకుల్, "వెంకటాద్రి ఎక్స్‌ప్రెస్", "లౌక్యం" లాంటి హిట్‌లతో తొలి మెట్లు ఎక్కింది. తరువాత టాలీవుడ్‌, బాలీవుడ్‌లలో తనకంటూ ప్రత్యేక స్థానం ఏర్పరచుకుంది. "దే దే ప్యార్ దే", "డాక్టర్ జి", "రన్‌వే 34" వంటి సినిమాల్లో తన నటనా ప్రతిభను నిరూపించింది.