ఏజ్ జస్ట్ నంబర్ అనిపిస్తున్న రజినీకాంత్.. కుర్ర హీరోయిన్‌తో రొమాన్స్‌కు ఫ్యాన్స్ ఫిదా

దిశ, వెబ్ డెస్క్: సినిమా ఇండస్ట్రీలో హీరోలు ఎక్కువ శాతం తమకంటే వయసులో చిన్నవారితో కలిసి నటిస్తుంటారు. అలా నటించే సమయంలో ఆ ఇద్దరి జోడీ సరిగ్గా కుదరకపోతే ప్రేక్షకులు డిస్కనెక్ట్ అవుతారు. ఇంత వయసు తేడా ఉన్నవారు హీరో, హీరోయిన్లుగా నటించడం కరెక్ట్ కాదు అని కామెంట్స్ కూడా వస్తుంటాయి. కానీ కొంతమంది హీరోలు మాత్రం తమకంటే వయసులో చాలా చిన్నవారితో నటించి కూడా ప్రేక్షకుల ప్రశంసలను పొందుతారు. అలా ప్రశంసలను పొందిన జంటలు ఇండియన్ సినిమా ఇండస్ట్రీలో చాలానే ఉన్నాయి.

అలాంటి జోడీనే రజనీకాంత్, సోనాక్షి సిన్హా. కొన్ని సంవత్సరాల క్రితం రజనీకాంత్ హీరోగా రూపొందిన లింగ చిత్రంలో సోనాక్షి సిన్హా హీరోయిన్ గా నటించింది. ఈ సినిమా 2014లో విడుదలైంది. ఆ సమయంలో రజినీకాంత్ వయస్సు 64 కాగా, సోనాక్షి సిన్హా వయసు కేవలం 27 మాత్రమే. దాంతో ఈ సినిమా స్టార్ట్ కావడానికి ముందు ఈ ఇద్దరి మధ్య వయసు తేడా చాలా ఉంది, ఈ జోడీ స్క్రీన్ పై కనిపించినప్పుడు వారి మధ్య కెమిస్ట్రీ బాగోలేకపోతే అదే సినిమాకు మైనస్ అయ్యే అవకాశాలు కూడా ఉన్నాయని కొంతమంది అభిప్రాయపడ్డారు.

కానీ సినిమా విడుదల అయిన తర్వాత ఈ మూవీ ప్రేక్షకులను ఆకట్టుకోలేకపోయింది కానీ, ఈ జంట మాత్రం జనాలను బాగా అలరించింది. వీరి మధ్య వచ్చిన పాటలు, రొమాంటిక్ సన్నివేశాలు, ఇతర సన్నివేశాలు అన్నీ కూడా ప్రేక్షకులను ఆకట్టుకున్నాయి. దాంతో ఆ సమయంలో రజినీకాంత్ వయసు విషయంలో చాలామంది పాజిటివ్ గా స్పందించారు. లింగ చిత్రంలో అనుష్క కూడా హీరోయిన్ గా నటించింది. కె.ఎస్. రవి కుమార్ దర్శకత్వంలో తెరకెక్కిన ఈ చిత్రానికి ఏ.ఆర్. రెహమాన్ సంగీతం అందించారు.