పురుష టీజర్ రిలీజ్.. పెళ్లాల నుంచి ఫ్రీడమ్ కోసం పోరాటం చేస్తున్న భర్తలు

దిశ, వెబ్‌డెస్క్: పవన్ కళ్యాణ్‌ (Pawan Kalyan)బత్తుల హీరోగా నటిస్తున్న తాజా సినిమా ‘పురుష’ (purusha). ఇక పవన్ కళ్యాణ్‌తో పాటు కమెడియన్ సప్తగిరి, కసిరెడ్డి రాజకుమార్ పూర్తి స్థాయి పాత్రల్లో నటిస్తున్న ఈ సినిమాలో వైష్ణవి కొక్కుర, విషిక, హాసిని సుధీర్‌ కథానాయికలుగా నటిస్తున్నారు. వెన్నెల కిశోర్‌, వీటీవీ గణేశ్, సప్తగిరి త‌దిత‌రులు ఇతర కీల‌క పాత్ర‌ల్లో న‌టిస్తున్నారు. వీరు వులవల దర్శకత్వం వహిస్తున్న ఈ సినిమాను బత్తుల సరస్వతి సమర్పణలో కళ్యాణ్ ప్రొడక్షన్స్ బ్యానర్ మీద బత్తుల కోటేశ్వరరావు నిర్మిస్తున్నారు.

ప్రస్తుతం ఈ సినిమాకు సంబంధించిన పోస్ట్ ప్రొడక్షన్ కార్యక్రమాలు శరవేగంగా జరుగుతున్నాయి. మరికొద్ది రోజుల్లో సినిమా రిలీజ్ కానుండగా.. మేకర్స్ ఇప్పటికే వివిధ పోస్టర్స్‌ను రిలీజ్ చేశారు. మూవీ మెయిన్ క్యాస్టింగ్ రోల్స్‌కు సంబంధించిన ఆ పోస్టర్స్ కమ్ ఫస్ట్ లుక్స్ సోషల్ మీడియాలో మంచి రెస్పాన్స్ అందుకున్నాయి. సినిమాపై ఇంట్రెస్ట్ క్రియేట్ చేశాయి. అందరి దృష్టి మూవీ పై పడేలా చేశాయి. ఈ నేపథ్యంలో తాజాగా మేకర్స్.. టీజర్‌ను రిలీజ్ చేయగా అది కూడా ఆకట్టుకుంటూ ట్రెండ్ అవుతోంది.

ఇక టీజర్‌లో ప్రతి సీన్‌లో కూడా కామెడీ ఉంది. మగజాతి గర్వించదగ్గ ఆణిముత్యాలండీ మీరు అంటూ వచ్చిన డైలాగ్స్ ఆకట్టుకున్నాయి. పక్కా కామెడీ ఎంటర్టైనర్ మూవీ అని టీజర్ ద్వారా అర్థమవుతోంది. టీజర్‌లోని కొన్ని సీన్లయితే ఓ వర్గం ఆడియన్స్‌‌కు సినిమాపై క్యూరియాసిటీ పెంచాయనే చెప్పాలి. చిత్రంలో వెన్నెల కిషోర్, వీటీవీ గణేష్, అనంత శ్రీరామ్, పమ్మి సాయి, మిర్చి కిరణ్ వంటి కమెడియన్లు అందరినీ కడుపుబ్బా నవ్విస్తారని తెలుస్తోంది. ఫైనల్‌గా టీజర్‌తోనే సినిమాను ఓ రేంజ్‌కు తీసుకుపోయినట్లు అనిపించింది.