ఈ రోజు కోసం 18 ఏళ్లుగా ఎదురుచూస్తున్నా.. యంగ్ హీరో ఎమోషనల్

దిశ, సినిమా : యంగ్ హీరో శ్రీ నందు న్యూ ఇయర్ బ్లాక్ బస్టర్ ‘సైక్ సిద్ధార్థ’. వరుణ్ రెడ్డి దర్శకత్వంలో వచ్చిన సినిమాను స్పిరిట్ మీడియా, నందునెస్ కీప్ రోలింగ్ పిక్చర్స్ బ్యానర్లపై శ్రీ నందు, శ్యామ్ సుందర్ రెడ్డి తుడి సంయుక్తంగా నిర్మించారు. ఈ చిత్రంలో యామిని భాస్కర్ కథానాయికగా నటించారు. సురేష్ ప్రొడక్షన్ ద్వారా జనవరి 1న గ్రాండ్‌గా రిలీజైన ఈ చిత్రం బ్లాక్ బస్టర్ విజయాన్ని అందుకొని సక్సెస్ ఫుల్‌ గా రన్ అవుతోంది. ఈ సందర్భంగా మేకర్స్ న్యూ ఇయర్ బ్లాక్ బస్టర్ ప్రెస్ మీట్ నిర్వహించారు. ఈ సందర్భంగా మాట్లాడిన హీరో శ్రీ నందు.. ఈరోజు కోసమే 18 ఏళ్లుగా ఎదురు చూసినట్లు చెప్పాడు. ఒక బ్లాక్ బస్టర్ పోస్టర్‌తో మీ అందరి ముందు మాట్లాడాలని, సక్సెస్ ఇచ్చిన డైరెక్టర్‌కి థాంక్స్ చెప్పాలని కోరుకున్నానని.. ఈ రోజు నెరవేరడం చాలా ఆనందంగా ఉందని చెప్పాడు. డైరెక్టర్ వరుణ్‌కే సినిమా సక్సెస్ క్రెడిట్ దక్కుతుందన్నాడు.