మేము సంవత్సరానికి ఒక హిట్ తీయడానికి కష్టపడుతున్నాం.. ప్రెస్ మీట్‌లో నిర్మాత వైరల్ కామెంట్స్

దిశ, సినిమా: వినోద్ గాలి దర్శకత్వంలో యంగ్ ట్యాలెంటెడ్ విరాజ్ అశ్విన్ హీరోగా నటిస్తున్న లేటెస్ట్ చిత్రం ‘గుర్తుకొస్తున్నాయి’. శరత్ చంద్ర నాయుడు నిర్మిస్తున్న ఈ మూవీలో యశశ్రీ రావు, రోహిణి హట్టంగడి, శివ నారాయణ నారిపెద్ది, ప్రియదర్శిని రామ్ తదితరులు కీలక పాత్రల్లో కనిపిస్తున్నారు. సమ్మర్ స్పెషల్‌గా ఈ మూవీ ప్రేక్షకుల ముందుకు వచ్చేందుకు సిద్ధం అవుతుండగా.. తాజాగా మేకర్స్ గ్లింప్స్ లాంచ్ ఈవెంట్ నిర్వహించారు. మైత్రీ మూవీ మేకర్స్ నిర్మాత నవీన్‌ యెర్నేని ఈ ఈవెంట్‌కి ముఖ్య అతిథిగా హాజరయ్యారు.

ఈ సందర్భంగా నవీన్‌ యెర్నేని మాట్లాడుతూ.. ‘గుర్తుకొస్తున్నాయి చిత్రం కచ్చితంగా చాలా పెద్ద హిట్ అవ్వాలి. గ్లింప్స్ చాలా బాగుంది. డైరెక్టర్ వినోద్ టీమ్ అందరికీ ఆల్ ది వెరీ. ఈటీవీ విన్ గత రెండు సంవత్సరాలుగా సెన్సేషన్ క్రియేట్ చేస్తున్నారు. మేము సంవత్సరానికి ఒక హిట్ తీయడానికి కష్టపడుతుంటే.. వీళ్లు సంవత్సరానికి మూడు నాలుగు ఇట్లు కొడుతున్నారు. చాలా హ్యాపీగా ఉంది. లిటిల్ హార్డ్స్, రాజు వెడ్స్ రాంబాయి.. ఇలా అన్ని చిత్రాలు గొప్ప విజయాలు సాధించాయి. ఈ విజయాలు ఇలాగే కొనసాగాలని కోరుకుంటున్నాను. మంచి ప్రతిభ ఉన్న వారికి ఈటీవీ విన్ గొప్ప వేదికగా నిలుస్తోంది. 'గుర్తుకొస్తున్నాయి' చాలా పెద్ద హిట్ అవ్వాలని కోరుకుంటున్నాను’ అన్నారు.