లవ్ ఇన్సూరెన్స్ కంపెనీ రిలీజ్ డేట్ ఫిక్స్.. పోస్టర్ రిలీజ్ చేసిన ప్రదీప్ రంగనాథన్

దిశ, సినిమా: యంగ్ అండ్ డైనమిక్ హీరో ప్రదీప్ రంగనాథన్ (Pradeep Ranganathan) నటిస్తున్న వరుస చిత్రాల్లో ‘లవ్ ఇన్సూరెన్స్ కంపెనీ’ (LiK) ఒకటి. విఘ్నేష్ శివన్ (Vignesh Sivan) దర్శకత్వం వహిస్తున్న ఈ మూవీలో.. SJ సూర్య ప్రధాన పాత్రలో నటిస్తున్నాడు. అనిరుధ్ రవిచందర్ సంగీతం అందిస్తున్న ఈ చిత్రాన్ని విఘ్నేష్ శివన్‌తో కలిసి నయనతార (Nayanthara) నిర్మిస్తుంది. ప్రజెంట్ ఈ మూవీ షూటింగ్ శరవేగంగా జరుతున్నట్లు తెలుస్తుండగా.. ఇప్పికే ఇందులో నుంచి వచ్చిన ప్రతి అప్‌డేట్ ప్రేక్షకులను ఎంతగానో ఆకట్టుకున్నాయి.

అలాగే.. ప్రజెంట్ ప్రదీప్ వరుస హిట్స్‌తో దూసుకుపోతుండటంతో.. ఈ మూవీ బిగ్ స్క్రీన్‌పై ఎప్పుడెప్పుడు రిలీజ్ అవుతుందా అని ఈ యంగ్ హీరో ఫ్యాన్స్ ఎంతో ఈగర్‌గా వెయిట్ చేస్తున్నారు. ఈ క్రమంలోనే తాజాగా ఈ మూవీ రిలీజ్ అప్‌డేట్ ప్రకటించారు చిత్ర బృందం. ఈ మేరకు ప్రదీప్ రంగనాథన్ తన సోషల్ మీడియా అకౌంట్ X (ట్విట్టర్) వేదికగా.. ఓ పోస్టర్ షేర్ చేస్తూ.. ‘లవ్ ఇన్సూరెన్స్ కంపెనీ’ మూవీ సెప్టెంబర్ 18న రిలీజ్ కాబోతున్నట్లు ప్రకటించాడు. టైమ్ ట్రావెల్ నేపథ్యంలో తెరకెక్కుతోన్న ఈ చిత్రంలో కృతి శెట్టి (Kriti Shetty) హీరోయిన్‌గా నటిస్తుంది.