పర్ఫెక్ట్ ప్లానింగ్‌తో ప్రభాస్.. ‘కల్కి’, ‘స్పిరిట్’లను అలా మేనేజ్ చేస్తున్నాడు

దిశ, వెబ్ డెస్క్: ప్రస్తుతం తెలుగులో ఉన్న స్టార్ హీరోల్లో ఒక సినిమా సెట్స్‌పై ఉండగానే మరికొన్ని సినిమాలను ప్రారంభించి జెట్ స్పీడ్‌లో పూర్తి చేసే వారిలో రెబల్ స్టార్ ప్రభాస్ ముందు వరుసలో ఉంటారు. ఈయన ఏకకాలంలో రెండు, మూడు సినిమాలను బ్యాలెన్స్ చేస్తూ ముందుకు సాగుతున్నారు. ప్రస్తుతం ‘ఫౌజీ’తో పాటు ‘స్పిరిట్’, ‘కల్కి 2’ సినిమాల షూటింగ్‌లతో బిజీగా ఉన్నారు. ఇక ఆయన రాబోయే షూటింగ్ షెడ్యూల్స్ ఎలా ఉన్నాయో చూస్తే... ‘కల్కి 2’ మూవీకి సంబంధించిన తదుపరి షెడ్యూల్ మే 4వ తేదీ నుంచి ప్రారంభం కానుంది. అదే రోజున ప్రభాస్ కూడా షూటింగ్‌లో జాయిన్ అవుతారు. మే 7 వరకు ఈ షెడ్యూల్‌లో పాల్గొననున్నారు. అలా నాలుగు రోజుల పాటు ‘కల్కి 2’ షూటింగ్ పూర్తి చేసిన అనంతరం, మూడు రోజుల విరామం తీసుకుని మే 10 నుంచి ‘స్పిరిట్’ సినిమా షూటింగ్‌లో జాయిన్ అవుతారని సమాచారం. ఇలా పక్కా ప్లానింగ్‌తో ప్రభాస్ తన షూటింగ్ షెడ్యూల్స్‌ను మేనేజ్ చేస్తూ ఒకేసారి పలు ప్రాజెక్ట్‌లను సమర్థవంతంగా ముందుకు తీసుకెళ్తున్నాడు.