ప్రజలను భయభ్రాంతులకు గురి చేసేలా పోస్టులు

దిశ, ఆదిలాబాద్ : ప్రజలను భయభ్రాంతులకు గురి చేసేలా,నేరస్తులకు అనుకూలంగా నేరం చేస్తాం అంటూ సోషల్ మీడియాలో పోస్టులు పెట్టిన ముగ్గురు యువకులపై టూ టౌన్ పోలీస్ స్టేషన్లో కేసు నమోదు చేసినట్లు సిఐ కరుణాకర్ రావు తెలిపారు. ఈ సందర్భంగా టూ టౌన్ లో ఆయన గురువారం కేసు వివరాలు వెల్లడించారు. ఇందులో గత ఫిబ్రవరి 24న ఆదిలాబాద్ పట్టణంలోని క్రాంతి నగర్ వద్ద జరిగిన హత్య కేసుల్లో ప్రధాన నిందితులైన గోల్డెన్ కార్తీక్, సిద్ధూ,సాయిని అరెస్టు చేశారు.

ఈ హత్యకు ముందు ఈ ముగ్గురితోపాటు ప్రస్తుతం కేసు నమోదు అయిన కొత్తూరి సాయి వర్ధన్, కావలే ఆశిష్, కొచ్చాడే నీలేష్ లు ఆ హత్యను గురించి 307 అయిపోయిందని, నా పవర్ 302 అంటూ సోషల్ మీడియాలో పోస్ట్ చేసిన కారణంగా ముగ్గురిపై కేసు నమోదు చేసినట్లు సీఐ కరుణాకర్ రావు తెలిపారు. అదేవిధంగా ఈ ముగ్గురిని అరెస్టు చేస్తున్న క్రమంలో పరీక్ష చేయగా.. అందులో కొత్తూరు సాయి వర్ధన్, కావలి ఆశిష్ లు గంజాయి సేవించి ఉన్నట్లు నిర్ధారణ చేశారు. వీరిద్దరిపై ఇతర కేసుతో పాటు గంజాయి కేసు,ముగ్గురిపై165/25 ఐటీ ఆక్ట్ తో కేసు నమోదు చేశామని తెలిపారు. ప్రజలను భయభ్రాంతులకు గురి చేసేలా, బెదిరించేలా పోస్టులను పెట్టిన, కత్తులతో బెదిరించేలా పోస్టులను పెట్టిన వారిపై కేసుల నమోదు చేయబడతాయని హెచ్చరించారు.