ఫుల్ స్వింగ్‌లో పెద్ది పోస్ట్ ప్రొడక్షన్ పనులు

దిశ, వెబ్ డెస్క్: మెగా పవర్ స్టార్ రామ్ చరణ్ ప్రస్తుతం బుచ్చిబాబు సనా దర్శకత్వంలో పెద్ది చిత్రంలో నటిస్తున్నాడు. జాన్వి కపూర్ ఇందులో హీరోయిన్‌గా కనిపించనుండగా ఏఆర్ రెహమాన్ సంగీతం అందిస్తున్నాడు. శివరాజ్ కుమార్, దివ్యాధు, జగపతిబాబు తదితరులు ఇందులో ముఖ్యపాత్రల్లో నటిస్తున్నారు. ఏప్రిల్ 30న ఈ చిత్రాన్ని విడుదల చేయనున్నారు.

ఈ సినిమా విడుదల తేదీ దగ్గర పడుతుండడంతో ఈ మూవీ యూనిట్ ఈ సినిమాకు సంబంధించిన పనులను చకచకా పూర్తి చేస్తున్నారు. ప్రస్తుతం ఈ చిత్రానికి సంబంధించిన పోస్ట్ ప్రొడక్షన్ పనులు వేగంగా జరుగుతున్నట్లు తెలుస్తోంది. తాజాగా బుచ్చిబాబు ఈ సినిమా పోస్ట్ ప్రొడక్షన్ పనుల్లో ఫుల్ సీరియస్ గా పాల్గొంటున్న ఓ ఫోటో బయటకు వచ్చింది. ప్రస్తుతం అందుతున్న సమాచారం ప్రకారం ఇప్పటికే ఈ సినిమాకు సంబంధించిన ఫస్ట్ ఆఫ్ లాక్ అయినట్లు తెలుస్తోంది.

ఈ మూవీ ఫస్ట్ ఆఫ్ విషయంలో మూవీ మేకర్స్ ఫుల్ సాటిస్ఫై అయినట్లు సమాచారం. ప్రస్తుతం బుచ్చిబాబు ఈ సినిమా సెకండ్ ఆఫ్ మీద దృష్టి పెట్టినట్లు, మరికొన్ని రోజుల్లోనే షూటింగ్ మొత్తాన్ని కంప్లీట్ చేసి సెకండ్ హాఫ్ కూడా లాక్ చేయబోతున్నట్లు తెలుస్తోంది. ఇప్పటివరకు ఈ చిత్రం నుండి రెండు పాటలను, కొన్ని ప్రచార చిత్రాలను విడుదల చేశారు, అవి ప్రేక్షకులను ఎంతగానో ఆకట్టుకున్నాయి. దానితో ఈ మూవీపై ఇండియావ్యాప్తంగా మంచి అంచనాలు ఏర్పడ్డాయి.