పెద్ది సినిమా ప్రీ రిలీజ్ ఈవెంట్..గెస్ట్ గా నంద‌మూరి హీరో ?

దిశ‌, వెబ్ డెస్క్: టాలీవుడ్ ఇండస్ట్రీలో మెగా హీరో రామ్ చరణ్ గురించి ప్రత్యేకంగా చెప్పాల్సిన పనిలేదు. మెగా ఫ్యామిలీ నుంచి వచ్చిన రామ్ చరణ్.. తనకంటూ ఒక గుర్తింపు తెచ్చుకొని, పాన్ ఇండియా హీరోగా మారిపోయారు. అయితే అలాంటి రామ్ చరణ్, లేటెస్ట్ గా చేసిన సినిమా పెద్ది. బుచ్చిబాబు దర్శకత్వంలో ఈ సినిమా రానుండ‌గా, చరణ్ సరసన హీరోయిన్ గా జాన్వీ కపూర్ నటిస్తున్నారు. స్పోర్ట్స్ బ్యాక్ డ్రాప్ లో వస్తున్న ఈ సినిమా, షూటింగ్ పూర్తి చేసుకొని రిలీజ్ కు సిద్ధమైంది. మరో రెండు వారాల్లోనే సినిమా రిలీజ్ కానుంది. ఇలాంటి క్రమంలో ప్రమోషన్స్ పైన దృష్టి సారించింది చిత్ర బృందం.

అయితే సినిమా రిలీజ్ తేదీ దగ్గర పడుతున్న నేపథ్యంలో ప్రీ రిలీజ్ ఈవెంట్ కోసం ప్లాన్ చేస్తున్నారట. జూన్ రెండవ తేదీన హైదరాబాద్ లోని ఎల్బీ స్టేడియంలో భారీ ఎత్తున పల్లెటూరు వాతావరణం, క్రీడా నేపథ్యం ఉట్టిపడేలా ఈవెంట్ నిర్వహించేందుకు చిత్ర బృందం సన్నద్ధమవుతున్నట్లు టాక్ నడుస్తోంది. ఈ స్పెషల్ ఈవెంట్ కు తెలంగాణ ముఖ్యమంత్రి రేవంత్ రెడ్డితో పాటు నందమూరి బాలకృష్ణను స్పెషల్ గెస్ట్ గా పిలవాలని సన్నద్ధమవుతున్నారట. ఈ మేరకు ఇప్పటికే నందమూరి బాలయ్యతో చర్చలు కూడా జరిగినట్లు టాక్ నడుస్తోంది. దీనిపై అతి త్వరలో అధికారిక ప్రకటన కూడా రానున్నట్లు సమాచారం.