హలో అంటూ క్యూట్ ఫొటో షేర్ చేసిన పవన్ కళ్యాణ్ బ్యూటీ.. చబ్బీ గర్ల్ అంటూ నెటిజన్ల కామెంట్స్

దిశ, వెబ్‌డెస్క్: చైల్డ్ ఆర్టిస్టుగా సినీ ఇండస్ట్రీలోకి ఎంట్రీ ఇచ్చి.. తన నటనతో బుల్లితెర ఆడియెన్స్‌ను అలరించిన హీరోయిన్ నివేదా థామస్(Nivedha Thamos) గురించి స్పెషల్‌గా చెప్పాల్సిన పనిలేదు. ఆ తర్వాత హీరోయిన్ మారి మరింత ఫేమ్ తెచ్చుకుంది. పేరుకు మలయాళీ అయినా తెలుగులోనే ఈ అందాల తారకు క్రేజ్ ఎక్కువ. పవన్ కళ్యాణ్, ఎన్టీఆర్, నాని వంటి స్టార్ హీరోల సరసన నటించి మెప్పించింది. అలాగే తన అందం, అభినయంతో ఓ ప్రత్యేక గుర్తింపు తెచ్చుకుంది. ఇక ఇటీవల ‘35 చిన్న కథ కాదు’(35 Chinna Katha Kaadu) సినిమాతో బ్లాక్ బస్టర్ మూవీని ఖాతాలో వేసుకుంది.

ప్రస్తుతం విజయ్ సేతుపతి(Vijay Sethupathi) సరసన ఓ మూవీలో నటిస్తోంది. ఇదిలా ఉంటే.. ఓ పక్క సినిమాలతో నివేదా బిజీగా ఉన్నప్పటికీ సోషల్ మీడియా(Social Media)లోనూ యాక్టీవ్‌గా ఉంటూ అభిమానులకు దగ్గరవుతూ ఉంటుంది ఈ బ్యూటీ. ఇందులో భాగంగా తాజాగా ఈ అమ్మడు తన ఎక్స్‌(X)లో ఓ ఫొటో షేర్ చేస్తూ హలో అనే క్యాప్షన్ జోడించింది. ఆ పిక్‌లో నివేదా మేకప్ లేకుండా చాలా సింపుల్‌గా చాలా అంటే చాలా క్యూట్‌గా ఉంది. ఇక ఈ ఫొటో పై నెటిజన్లు చబ్బీ గర్ల్ అంటూ కామెంట్స్ చేస్తున్నారు.