బాహుబలి అసిస్టెంట్ డైరెక్టర్ ‘వన్ బై ఫోర్’.. టేకింగ్ రాజమౌళి స్టైల్‌తో అదుర్స్..

దిశ, సినిమా : తేజస్ గుంజల్ ఫిలిమ్స్, రోహిత్ గుంజల్ ఫిలిమ్స్ బ్యానర్లపై వెంకటేష్ పెద్దపాలెం, అపర్ణ మల్లిక్, హీనా సోని హీరో హీరోయిన్స్‌గా నటిస్తున్న యాక్షన్ క్రైమ్ డ్రామా చిత్రం వన్ బై ఫోర్(One/4). బ్లాక్ బస్టర్ బాహుబలి చిత్రానికి అసోసియేట్ డైరెక్టర్‌గా పనిచేసిన బాహుబలి పళని కె ఈ చిత్రానికి దర్శకత్వం వహిస్తున్నారు. రంజన రాజేష్ గుంజల్, రోహిత్ రాందాస్ గుంజల్ సంయుక్తంగా నిర్మిస్తున్నారు. డిసెంబర్ 12న ప్రేక్షకులను పలకరింబోతున్న ఈ చిత్రం ట్రైలర్‌ రిలీజ్ చేశారు మేకర్స్. ఈ సందర్భంగా మాట్లాడిన హీరో వెంకటేష్ పెద్దపాలెం.. ‘ టంగ్ స్లిప్ అనే పాయింట్‌తో ఈ క్రైమ్ డ్రామాను తీశాం. మా చిత్రంలో అద్భుతమైన ఆర్టిస్టులు పని చేశారు. హీరోయిన్లంతా కూడా అద్భుతంగా నటించారు. బాహుబలికి పని చేసిన పళని గారి టేకింగ్‌కు అందరూ ఫిదా అవుతారు. రాజమౌళి గారి స్టైల్లో ఈ మూవీని తీశారు. ఒక్క ఫ్రేమ్ కూడా బోర్ కొట్టదు. డిసెంబర్ 12న వంద శాతం మేం హిట్ కొట్టబోతున్నాం’ అన్నారు