మా సినిమాకు అద్భుతమైన రెస్పాన్స్ వస్తోంది.. ‘రాకాస’ సక్సెస్ మీట్‌లో నిహారిక కొణిదెల

దిశ, సినిమా: జీ స్టూడియోస్ స‌మ‌ర్పణలో పింక్ ఎలిఫెంట్ పిక్చర్స్ బ్యాన‌ర్‌పై ఉమేష్ కుమార్ బ‌న్సాల్‌తో క‌లిసి నిహారిక కొణిదెల నిర్మించిన తాజా చిత్రం ‘రాకాస’. మానస శర్మ దర్శకత్వం వహించిన ఈ చిత్రంలో సంగీత్ శోభ‌న్‌, న‌య‌న్ సారిక‌ జంటగా నటించారు. భారీ అంచనాల మధ్య ఏప్రిల్ 3న ప్రేక్షకుల ముందుకు వచ్చిన ఈ చిత్రం మొదటి షో నుంచే పాజిటివ్ రెస్పాన్స్ సొంతం చేసుకుంటుంది. ఈ క్రమంలో తాజాగా చిత్రయూనిట్ బ్లాక్ బస్టర్ సక్సెస్ మీట్‌ను నిర్వహించారు. ఈ కార్యక్రమంలో నిహారిక కొణిదెల మాట్లాడుతూ .. ‘‘రాకాస’ మూవీని ఆడియెన్స్‌తో పాటుగా చూశాం. ప్రీమియర్ల నుంచే మా సినిమాకి మంచి రెస్పాన్స్ దక్కింది. మేం ఎక్కడైతే ఆడియెన్స్ ఎక్కువగా నవ్వుతారు, ఎంజాయ్ చేస్తారు? అని అనుకున్నామో అక్కడ అదిరిపోయే రెస్పాన్స్ వస్తోంది. ఎంటర్టైన్మెంట్ ఇవ్వాలనే ఉద్దేశంతో తీసిన మా ‘రాకాస’ని చూసి ఆడియెన్స్ ఎంజాయ్ చేస్తున్నారు. విడుదలైన ప్రతీ చోటా మా ‘రాకాస’కి అద్భుతమైన రెస్పాన్స్ వస్తోంది’ అని అన్నారు.