నా ఫేవరెట్ సాంగ్ను తునాతునకలు చేశారు.. ఫైర్ అయిన మణిశర్మ
మణిశర్మ మాట్లాడుతూ... నేను ఆచార్య చిత్రానికి నా కెరీర్లోనే బెస్ట్ సాంగ్ ‘నీలాంబరి’ పాటను ఇచ్చాను. దానిని తునాతునకలు చేశారు. ఎప్పుడో సినిమా రిలీజ్కు నాలుగు రోజుల ముందు దాన్ని విడుదల చేశారని మణిశర్మ చెప్పుకొచ్చారు.
దిశ, వెబ్ డెస్క్: తెలుగు సినిమా పరిశ్రమలో అనేక సంవత్సరాలు టాప్ మ్యూజిక్ డైరెక్టర్లలో ఒకరిగా కొనసాగిన వారిలో మెలోడీ బ్రహ్మ మణిశర్మ ఒకరు. ఈయన కొంతకాలం క్రితం మెగాస్టార్ చిరంజీవి, మెగా పవర్ స్టార్ రామ్ చరణ్ హీరోలుగా రూపొందిన ఆచార్య చిత్రానికి సంగీతం అందించాడు. ఈ సినిమా మ్యూజిక్కు మంచి ప్రశంసలు దక్కినా, సినిమా మాత్రం బాక్సాఫీస్ దగ్గర ఫెయిల్యూర్ అయింది. కొంతకాలం క్రితం ఈ సంగీత దర్శకుడు ఓ ఇంటర్వ్యూలో పాల్గొన్నారు. అందులో ఈయనకి “మీరు ఆచార్య చిత్రానికి ఇచ్చిన సంగీతం విషయంలో మ్యూజిక్ డైరెక్టర్గా సాటిస్ఫై అయ్యారా?” అనే ప్రశ్న ఎదురైంది.
దానికి మణిశర్మ స్పందిస్తూ… “నేను ఆచార్య చిత్రానికి నా కెరీర్లోనే బెస్ట్ సాంగ్ అనుకునే రీతిలో కంపోజ్ చేసిన ‘నీలాంబరి’ పాటను ఇచ్చాను. దానిని తునాతునకలు చేశారు. ఎప్పుడో సినిమా రిలీజ్కు నాలుగు రోజుల ముందు దాన్ని విడుదల చేశారు. ఇక చిరంజీవి, రామ్ చరణ్ పై వచ్చిన ‘భలే భంజారో’ సాంగ్ నా దృష్టిలో మంచి పాట. ‘లాహే లాహే’ సాంగ్ గురించి ప్రత్యేకంగా చెప్పనవసరం లేదు. ఆచార్య సినిమాలో పెద్దగా మాస్ పాటలు ఉండవు. చిరంజీవి హీరోగా సినిమా అంటేనే మాస్ బీట్ ఎక్స్పెక్ట్ చేస్తారు. అవి లేకపోవడం ఈ సినిమా మ్యూజిక్ విషయంలో కాస్త డిసప్పాయింట్ జరిగి ఉంటుంది తప్ప మిగతాదేమీ లేదు” అని ఈయన క్లారిటీ ఇచ్చారు.
