నయనతారకు బంప‌ర్ ఆఫ‌ర్..మరో స్టార్ హీరోతో నయా ప్రాజెక్ట్!

దిశ‌, వెబ్ డెస్క్: స్టార్ హీరోయిన్ నయనతార గురించి ప్రత్యేకంగా చెప్పాల్సిన పనిలేదు. అప్పట్లో లక్ష్మి సినిమాతో తెలుగు అభిమానులను ఆకట్టుకున్న హీరోయిన్ నయనతార, ఆ తర్వాత ఇండస్ట్రీని దున్నేశారు. తెలుగులోనే కాదు అన్ని భాషల్లో నయనతార తనకంటూ ఒక గుర్తింపు తెచ్చుకున్నారు అయితే అలాంటి నయనతార ఇటీవల మెగాస్టార్ చిరంజీవి నటించిన మన శంకర్ వరప్రసాద్ గారు సినిమాతో సందడి చేశారు. సినిమా మొన్న సంక్రాంతి కానుకగా వచ్చి సక్సెస్ అయింది.

అయితే వయసు పెరుగుతున్నప్పటికీ నయనతార క్రేజీ ఏమాత్రం తగ్గడం లేదు. లేడీ సూపర్ స్టార్ ట్యాగ్ దక్కించుకున్న ఆమె.. వరుసగా సినిమాలతో దూసుకు వెళ్తున్నారు. ఈ నేపథ్యంలోనే మరో స్టార్ హీరోతో కొత్త ప్రాజెక్టు దక్కించుకున్నారట నయనతార. సల్మాన్ ఖాన్ హీరోగా చేస్తున్న ఓ సినిమాలో నయనతారకు అవకాశం వచ్చినట్లు చెబుతున్నారు. వంశీ పైడిపల్లి దర్శకత్వంలో ఈ సినిమా రాబోతుంద‌ని టాక్. దీనిపై అతి త్వరలోనే అధికారిక ప్రకటన రాబోతున్నట్లు తెలుస్తోంది.