హే భగవాన్ అలాంటి సినిమా.. ఖచ్చితంగా హిట్ అవుతుంది.. నరేష్
తాజాగా నరేష్ మాట్లాడుతూ... కె-ర్యాంప్ మంచి విజయం సాధిస్తుంది అంటే ఎవరూ నమ్మలేదు. 'నారీ నారీ నడుమ మురారి' కూడా సక్సెస్ అవుతుందని అన్నాను, చెప్పినట్లే సంక్రాంతి విన్నర్ అయింది. 'హే భగవాన్' సినిమా కూడా విజయం సాధించబోతోందని నరేష్ తెలియజేశారు.
దిశ, వెబ్ డెస్క్ : సీనియర్ నటుడు నరేష్ ప్రస్తుతం వరుస సినిమాలలో నటిస్తూ చాలా బిజీ నటుడిగా కొనసాగుతున్నాడు. ఈ మధ్యకాలంలో ఈయన నటించిన సినిమాలు కూడా మంచి విజయాలను సొంతం చేసుకుంటున్నాయి. తాజాగా నరేష్, సుహాస్ హీరోగా, శివానీ నాగారం హీరోయిన్గా గోపి దర్శకత్వంలో రూపొందిన హే భగవాన్ అనే సినిమాలో కీలకమైన పాత్రలో నటించాడు. ఈ చిత్రాన్ని ఈనెల 20వ తేదీన విడుదల చేయనున్నారు. దాంతో నరేష్, నటి మరియు తన భార్య అయినటువంటి పవిత్రతో ఓ ఇంటర్వ్యూలో పాల్గొన్నారు.
అందులో ఆయన ఈ సినిమా గురించి మాత్రమే కాకుండా గతంలో తాను నటించిన కొన్ని సినిమాల గురించి కూడా తెలియజేశాడు. నరేష్ మాట్లాడుతూ... "నేను కొంత కాలం క్రితం కె- ర్యాంప్ మూవీలో నటించాను. అది మంచి విజయం సాధిస్తుంది అని నేను చెప్పాను. కానీ అప్పుడు నా మాటలను ఎవరూ పెద్దగా పట్టించుకోలేదు. అలాగే ఈ సంక్రాంతికి నేను నటించిన నారీ నారీ నడుమ మురారి విడుదల అయింది. ఆ మూవీ అనేక సినిమాలతో పోటీగా విడుదల అయింది.
ఆ చిత్రం కూడా మంచి విజయం సాధిస్తుంది అన్నాను. ఆ సినిమా ఈ సంవత్సరం సంక్రాంతి విన్నర్ గా నిలిచింది. ఇక హే భగవాన్ సినిమా గురించి కూడా అంతే కాన్ఫిడెన్స్ గా ఉన్నాను. సుహాస్, శివానీ బాగా నటించారు. గోపి సినిమాను అద్భుతంగా తీర్చిదిద్దాడు. ఈ మూవీ నా కెరియర్లో మరో టర్నింగ్ పాయింట్ అవుతుంది. ఈ సినిమా ప్రేక్షకులను అద్భుతంగా ఆకట్టుకుంటుంది" అని నరేష్ తెలియజేశారు.
