టాలీవుడ్‌ రూపు రేఖలు మార్చిన సినిమా రీరిలీజ్.. ఆగష్టు 14న ట్రైలర్

దిశ, వెబ్‌డెస్క్: తెలుగు చలనచిత్ర పరిశ్రమలో అక్కినేని నాగార్జు(Akkineni Nagarjuna), రామ్ గోపాల్ వర్మ(Ram Gopal Varma) కాంబినేషన్ వచ్చిన శివ సినిమా(Shiva Movie)కు సపరేట్ ఫ్యాన్స్ ఉంటారు. 1990లో వచ్చిన ఈ చిత్రం.. టాలీవుడ్ రూపురేఖల్ని మార్చేసిందని స్వయంగా దర్శకులు, హీరోలే చెబుతుంటారు. ఇండస్ట్రీని శివకు ముందు.. శివ తర్వాత అని మాట్లాడుకోవడమే ఇందుకు నిదర్శనం. ఈ సినిమాలోని పాటలు, ఫైట్లు, సీన్లు అభిమానులను ఎంతగానో ఆకట్టుకున్నాయి. ముఖ్యంగా ఈ సినిమాతో రామ్ గోపాల్ వర్మ అనే ఒక విలక్షణ దర్శకుడు ఇండస్ట్రీకి పరిచయం అయ్యాడు.

అయితే.. నాగార్జునను, శివ సినిమాను ఇష్టపడే వారికి దర్శకుడు రామ్ గోపాల్ వర్మ శుభవార్త చెప్పారు. శివ సినిమాను రీరిలీజ్ చేస్తున్నట్లు తెలిపారు. ఈ మేరకు సోషల్ మీడియా వేదికగా పోస్టర్ విడుదల చేశారు. 4K డాల్బీ అట్మోస్‌తో రీ-రిలీజ్ చేస్తున్నట్లు ఆయన వెల్లడించాడు. అయితే, ఈ చిత్ర రీ-రిలీజ్ ట్రైలర్‌ను సూపర్ స్టార్ రజినీకాంత్ నటించిన లేటెస్ట్ చిత్రం ‘కూలీ’తో పాటు థియేటర్లలో రిలీజ్ చేస్తున్నట్లు అక్కినేని నాగార్జున పేర్కొన్నారు.