MS Dhoni: మరోసారి బాక్సాఫీస్‌ను షేక్ చేయనున్న ధోనీ.. కరణ్‌ జోహర్‌ పోస్టు వైరల్

దిశ, వెబ్ డెస్క్: MS Dhoni: భారత క్రికెటర్ MS Dhoni వీడియో ఒకటి వైరల్ అవుతోంది. ఈ వీడియోను బాలీవుడ్ ప్రముఖ దర్శకనిర్మాత కరణ్ జోహార్ పోస్టు చేశారు. త్వరలోనే టీమిండియా మాజీ కెప్టెన్ మహేంద్ర సింగ్ ధోనీ ఓ రొమాంటిక్ రోల్లో కనిపించబోతున్నాడు అంటూ తన ఇన్ స్టా స్టోరీలో కరణ్ జోహార్ రాసుకొచ్చారు.

ఈ పోస్టుకు కరన్ ఓ వీడియో కూడా జత చేశారు. అందులో ఎంఎస్ ధోనీ లవ్ సింబల్ బెలూన్ పట్టుకుని కనిపించారు. దీంతో ఆ స్టార్ క్రికెటర్ ను కరణ్ బాలీవుడ్ లో లాంచ్ చేస్తారన్న ప్రచారం జోరుగా జరుగుతోంది. ఈ నేపథ్యంలోనే బాలీవుడ్ లోకి తలా ఎంట్రీ ఇస్తున్నారన్న వార్తలు చక్కర్లు కొడుతున్నాయి. అయితే ఇది ఓ యాడ్ షూటింగ్ కావచ్చని కొందరు అభిప్రాయం వ్యక్తం చేస్తున్నారు.