‘పెద్ది’ సినిమాలో ఐటెమ్ సాంగ్‌లో కనిపంచనున్న క్రేజీ బ్యూటీ.. నెట్టింట పోస్టులు వైరల్

దిశ, సినిమా: మెగా పవర్ స్టార్ రామ్ చరణ్ మోస్ట్ ఎవైటెడ్ పాన్-ఇండియా స్పోర్ట్స్ డ్రామా ‘పెద్ది’. బుచ్చిబాబు సనా దర్శకత్వం వహిస్తున్నా ఈ ప్రాజెక్ట్ ఏప్రిల్ 30న ప్రపంచవ్యాప్తంగా గ్రాండ్ థియేట్రికల్ రిలీజ్‌కు సిద్ధంగా ఉంది. సినిమా ప్రస్తుతం ఫైనల్ షెడ్యూల్ షూటింగ్‌తో పాటు పోస్ట్ ప్రొడక్షన్ పనులు కూడా ఫాస్ట్‌గా జరుగుతున్నాయి. ఇక మ్యూజిక్ ప్రమోషన్స్ అద్భుతంగా ఉన్నాయి. ఇప్పటికే విడుదలైన ‘చికిరి చికిరి’, ‘రై రై రారా’ పాటలకు ట్రెమండస్ రెస్పాన్స్ వచ్చింది. ఇప్పుడు ఇదే జొష్‌తో స్పెషల్ సాంగ్ రిలీజ్ చేసే పనిలో ఉన్నారట మేకర్స్. ఈ మేరకు పెద్దిలో ఐటెమ్ కోసం ఓ క్రేజీ బ్యూటీని ఫైనల్ చేసినట్లు టాక్. ఆమె మరెవరో కాదు మృణాల్ ఠాకూర్.

చరణ్‌తో పాటు ‘పెద్ది’లోని ఒక ప్రత్యేక పాటలో డ్యాన్స్ చేసేందుకు మృణాల్‌ను ఫిక్స్ చేశారట మేకర్స్. ఈ సాంగ్‌లో మరింత గ్లామర్‌ను జోడిస్తూ జాన్వీ కూడా అదే పాటలో కనిపించనుందని తెలుస్తుండగా.. ప్రజెంట్ ఇందుకు సంబంధించిన పోస్టులు వైరల్ అవుతున్నాయి. దీంతో ఈ కాంబో చూస్తుంటే చాలా ఉత్సాహంగా ఉంది. మంచి బీట్‌తో ఈ సాంగ్‌ను తెరకెక్కిస్తే.. ఈ పాట ఒక ప్రధాన ఆకర్షణగా నిలవనుందంటూ అంటూ కామెంట్స్ చేస్తున్నారు నెటిజన్లు. అయితే.. దీనిపై అఫీషియల్ అనౌన్స్‌మెంట్ రావాల్సి ఉంది. కాగా.. ఈ సినిమాలో హీరోయిన్‌గా జాన్వీ కపూర్ నటిస్తుండగా, శివరాజ్ కుమార్, జగపతి బాబు, దివ్యేందు, బోమన్ ఇరానీ ముఖ్య పాత్రల్లో కనిపించనున్నారు.