Manushi Chhillar: హారర్ మూవీతో రాబోతున్న రణ్వీర్ సింగ్.. హీరోయిన్గా బోల్డ్ బ్యూటీ
బాలీవుడ్ స్టార్ హీరో రణ్వీర్ సింగ్ ప్రస్తుతం ‘ధురందర్’ మూవీతో బిజీగా ఉన్నాడు.
దిశ, సినిమా: బాలీవుడ్ స్టార్ హీరో రణ్వీర్ సింగ్ ప్రస్తుతం ‘ధురందర్’ మూవీతో బిజీగా ఉన్నాడు. జీ స్టూడియోస్ బ్యానర్పై నిర్మిస్తున్న ఈ చిత్రంలో యామీ గౌతమ్ హీరోయిన్గా నటిస్తుండగా.. సంజయ్ దత్, అక్షయ్ ఖన్నా, ఆదిత్య ఆధార్, జ్యోతి దేశ్ పాండే, మాధవన్ కీలక పాత్రలో నటిస్తున్నారు. ప్రస్తుతం ఈ సినిమాకు సంబంధించిన షూటింగ్ శరవేగంగా జరుగుతుండగా.. అప్పుడే మరో మూవీని లైన్లో పెట్టాడు రణ్వీర్. హారర్ కామెడీ బ్యాక్ డ్రాప్లో తెరకెక్కబోతున్న ఈ మూవీని ‘భూల్ చుక్ మాఫ్’ ఫేమ్ నిర్మాణ సంస్థ మాడాక్ ఫిలిమ్స్ రూపొందిస్తున్నట్లు తెలుస్తోంది. అలాగే.. ఈ హర్రర్ కామెడీ విశ్వం యొక్క కొత్త భాగాన్ని రూపొందించడం కోసం రణ్వీర్సింగ్ నిర్మాత దినేశ్విజన్తో ముందస్తు చర్చలు జరుపుతున్నారని బాలీవుడ్ వర్గాల నుంచి టాక్. ఇందులో హీరోయిన్గా మానుషి చిల్లర్ను తీసుకునే ప్లాన్లో ఉన్నారట మేకర్స్. ఇప్పటికే చర్చలు జరపగా.. దాదాపు మానుషి కన్ఫర్మ్ అయినట్లు సమాచారం. కాగా.. ఈ ప్రాజెక్ట్ 2026 ప్రారంభంలో ప్రారంభమయ్యే అవకాశం ఉంది.లింక్
