రివ్యూయర్లకు షాక్ ఇచ్చిన మెగాస్టార్.. శిక్ష తప్పదు..

దిశ, సినిమా : తెలుగు ఫిల్మ్ ఇండస్ట్రీలో గ్రౌండ్ బ్రేకింగ్ ఫస్ట్ స్టెప్ పడింది. మెగాస్టార్ చిరంజీవి, అనిల్ రావిపూడి కాంబినేషన్‌లో రాబోతున్న ‘మన శంకర వర ప్రసాద్ గారు’ మూవీ జనవరి 12 రిలీజ్ కాబోతుండగా సంచలన నిర్ణయం తీసుకుంది మూవీ టీమ్. ఈ చిత్రానికి సంబంధించిన రేటింగ్స్ & రివ్యూస్‌ను కోర్టు ఆదేశాల ద్వారా తాత్కాలికంగా డిసేబుల్ చేసింది. ఆర్గనైజ్డ్‌గా నెగెటివ్ రేటింగ్స్, బాట్స్, రైవల్ ఫ్యాన్స్ ద్వారా జరిగే డిజిటల్ మానిప్యులేషన్‌ను అడ్డుకోవడమే దీని ప్రధాన ఉద్దేశం. కాగా సినిమా రిలీజ్‌కు ముందే బాక్సాఫీస్ ప్రభావితం కాకుండా కాపాడుకోవడానికి ఈ బోల్డ్ స్టెప్ తీసుకున్నారు మేకర్స్. BlockBIGG & Aiplex కంపెనీలు కోర్టును ఆశ్రయించి ఈ ఆదేశాలు సాధించాయి. ఇంతకు ముందు ఎలాంటి తెలుగు సినిమాకు ఇలాంటి కోర్టు ఆదేశం ద్వారా రేటింగ్స్ పూర్తిగా బ్లాక్ చేసింది లేదు. ఇది చాలా మంది నిర్మాతలకు ఇన్‌స్పిరేషన్‌గా మారవచ్చు.