Mamitha Baiju: జోరు పెంచిన మమిత బైజు.. మరో సినిమాకు సైన్

దిశ, సినిమా: ‘ప్రేమలు’ (Premalu) చిత్రంతో తమిళంతో పాటు తెలుగులో కూడా ఫుల్ క్రేజ్ తెచ్చుకుంది యంగ్ బ్యూటీ మమితా బైజు (Mamitha Baiju). దీంతో ప్రస్తుతం వరుస సినిమాలు అనౌన్స్ చేస్తూ.. ఇండస్ట్రీలో తన గ్రాఫ్‌ను పెంచుకునే ప్రయత్నం చేస్తుంది. ఈ క్రమంలోనే ప్రస్తుతం మమితా చేతిలో.. విష్ణు విశాల్ ‘ఈరందు వానం’, ప్రదీప్ రంగనాథన్ (Pradeep Ranganathan) ‘డ్యూడ్’, విజయ్ దళపతి (Vijay Thalapathy) ‘జన నాయగన్’, సూర్య ‘సూర్య 46’ వంటి చిత్రాలతో బిజీగా ఉంది. ఇప్పుడు మరో కొత్త సినిమాను లైన్‌లో పెట్టింది ఈ యంగ్ బ్యూటీ. ఈ మేరకు తన నెక్ట్స్ ప్రాజెక్ట్ కోసం మరోసారి డైరెక్టర్ గిరీష్ ఎడితో చేతులు కలిపింది.

ఇప్పటికే గిరీష్ ఎడి (Girish AD) డైరెక్షన్‌లో మమితా బైజు హీరోయిన్‌గా వచ్చిన ‘ప్రేమలు’ చిత్రం బ్లాక్ బస్టర్ హిట్ కాగా.. మరోసారి ఈ కాంబో రిపీట్ కాబోతుంది. భావన స్టూడియోస్‌పై నిర్మిస్తున్న ఈ మూవీకి.. విష్ణు విజయ్ సంగీతం అందిస్తున్నారు. ఎడిటింగ్ ఆకాష్ జోసెఫ్ వర్గీస్ చేయనుండగా.. డిస్టిబ్యూటర్స్‌గా భావన రిలీజ్ వ్యవహరిస్తున్నారు. ఎంతో స్పెషల్‌గా రూపొందబోతున్న ఈ మూవీకి సంబంధించిన నిర్మాణం ఈ సెప్టెంబర్‌లో ప్రారంభమవుతుంది. త్వరలో మరిన్ని అప్డేట్స్ రాబోతున్నట్లు ట్వీట్ వైరల్ అవుతోంది. Link