మరోసారి LIK వాయిదా... కొత్త రిలీజ్ డేట్ ఎప్పుడంటే?

దిశ, సినిమా: బ్యాక్ టు బ్యాక్ చిత్రాలతో సందడి చేస్తున్న యూత్ ఐకాన్ ప్రదీప్ రంగనాథన్ నటిస్తున్న లేటెస్ట్ క్రేజీ మూవీ ‘లవ్ ఇన్సూరెన్స్ కంపెనీ’ (LIK). సెన్సేషన్ హిట్ ‘డ్రాగన్’ తర్వాత ప్రదీప్ నుండి వస్తున్న ఈ చిత్రంపై యూత్‌తో పాటు సినీ ప్రేమికుల్లో కూడా భారీ అంచనాలు ఉన్నాయి. విఘ్నేష్ శివన్ దర్శకత్వంలో తెరకెక్కుతున్న ఈ సినిమాలో కృతి శెట్టి హీరోయిన్‌గా నటిస్తుండగా, వెర్సటైల్ నటుడు ఎస్.జె. సూర్య ఒక కీలక పాత్రలో కనిపించనున్నాడు. ఇప్పటికే ఈ చిత్రం నుంచి వచ్చిన అప్డేట్స్ అన్నీ ఆకట్టుకున్నాయి. రిలీజ్ కోసం వెయిట్ చేస్తున్న తరుణంలో ఎప్పటికప్పుడు వాయిదాలు పడుతూ వస్తుంది. ఇక రీసెంట్‌గా ఏప్రిల్ 3న రిలీజ్ కాబోతున్నట్లు ప్రకటించగా.. ఇప్పుడు మరోసారి వాయిదా పడింది. ఈ క్రమంలో కొత్త రిలీజ్ డేట్‌ను ప్రకటిస్తూ.. ‘థియేటర్లలో ఒక బ్లాక్‌బస్టర్ అనుభూతికి సిద్ధంగా ఉండండి! 'హ్యాట్రిక్ బ్లాక్‌బస్టర్ హీరో' ప్రదీప్ రంగనాథన్ ప్రధాన పాత్రలో... ఎంతో ఆసక్తిగా ఎదురుచూస్తున్న చిత్రం 'LIK', ఏప్రిల్ 10న థియేటర్లలో సంచలనం సృష్టించడానికి సిద్ధమైంది. శ్రీ పద్మిని సినిమాస్ ఆధ్వర్యంలో తెలుగులో ఘనంగా రిలీజ్ కానుంది’ అని తెలిపారు.