Kubera Movie Tickets: ఏపీలో 'కుబేర' మూవీ టికెట్ ధరలు పెంపు.. మరి తెలంగాణలో..?

దిశ, వెబ్‌డెస్క్: కోలీవుడ్ స్టార్ ధనుష్(Dhanush) అలాగే టాలీవుడ్ కింగ్ నాగార్జున(Nagarjuna), నేషనల్ క్రష్ రష్మిక మందన్నా(Rashmika Mandanna) నటిస్తున్న తాజా చిత్రం 'కుబేర'(Kubera). ఇక దీనికి మ్యాజికల్ దర్శకుడు శేఖర్ కమ్ముల(Shekar Kammula) దర్శకత్వం వహిస్తున్నాడు. అయితే దీనిని అమిగోస్ క్రియేషన్స్ ప్రైవేట్ లివిటెడ్‌తో కలిసి శ్రీవెంకటేశ్వర సినిమాస్ ఎల్ ఎల్ పి బ్యానర్ పై సునీల్ నారంగ్, పుస్కుర రామ్ మోహన్ రావు భారీ బడ్జెట్‌తో నిర్మిస్తున్నారు. ఇప్పటికే ఈ మూవీ నుంచి వచ్చిన పోస్టర్స్, ట్రైలర్, టీజర్, సాంగ్స్ అన్ని మంచి రెస్పాన్స్‌ను దక్కించుకున్నాయి.

కాగా ఈ సినిమా భారీ అంచనాల మధ్య జూన్ 20న తెలుగు, హిందీ, కన్నడ, మలయాళ భాషల్లో గ్రాండ్‌గా విడుదల కానుంది. ఈ క్రమంలో తాజాగా కుబేర సినిమా టికెట్ ధరలు పెంచుకునేందుకు రాష్ట్ర ప్రభుత్వం అనుమతి ఇచ్చింది. ఇందులో భాగంగా సింగిల్ స్క్రీన్స్, మల్టీ ప్లెక్స్‌ల్లో టికెట్ ధరను రూ.75(జీఎస్టీతో) పెంచుకునేలా వీలు కల్పించారు. అయితే మూవీ రిలీజ్ అయిన తేదీ నుంచి 10 రోజుల పాటు ఈ ధరలు అమల్లో ఉండనున్నాయి. కాగా తెలంగాణలో మాత్రం టికెట్ ధరల విషయంలో ఎలాంటి మార్పు లేదు. ఈ విషయమై చిత్ర బృదం ప్రభుత్వానికి దరఖాస్తు చేసుకోలేదని సమాచారం.

Twitter Link