Rishab Shetty: ‘కాంతార చాప్టర్-1’ మూవీ వాయిదా.. స్పందించిన మూవీ మేకర్స్.. దయచేసి అలాంటివి చేయొద్దంటూ ట్వీట్

దిశ, సినిమా: కన్నడ స్టార్ హీరో రిషబ్ శెట్టి(Rishab Shetty) నటించిన ‘కాంతార’(Kantara) సినిమా ఎంత పెద్ద విజయం సాధించిందో ప్రత్యేకంగా చెప్పాల్సిన పని లేదు. ఈ మూవీ 2022లో విడుదలై భారీ కలెక్షన్లు రాబట్టి బాక్సాఫీసును షేక్ చేసింది. ఇక ఇప్పుడు దీనికి ప్రీక్వెల్ రాబోతున్న విషయం తెలిసిందే. రిషబ్ శెట్టి స్వయం దర్వకత్వంలో రాబోతున్న ఈ చిత్రాన్ని ఒకేసారి అన్ని భాషల్లోకి తీసుకురానున్నారు. ఇప్పటికే ఈ సినిమాకు సంబంధించిన ఫస్ట్ లుక్ పోస్టర్ కూడా విడుదలై మంచి రెస్పాన్స్‌ను దక్కించుకుంది. అయితే ‘కాంతార: చాప్టర్-1’(Kantara: Chapter-1) షూటింగ్ శరవేగంగా జరుపుకుంటోంది. ఇక అక్టోబర్ 2న విడుదల కావాల్సి ఉండగా.. పలు కారణాల వల్ల వాయిదా పడినట్లు పలు పుకార్లు షికారు చేస్తున్నాయి.

దీంతో ఈ విషయం తెలుసుకున్న సినీ ప్రియులు, అభిమానులు నిరాశ చెందుతున్నారు. ఈనేపథ్యంలో.. తాజాగా, మూవీ మేకర్స్ ట్విట్టర్ ద్వారా క్లారిటీ ఇచ్చారు. ‘‘మేము అనుకున్న ప్రకారమే షెడ్యూల్స్ పూర్తి చేసుకున్నాము. కాబట్టి మా ప్రణాళికలకు తగినట్లే షూటింగ్ జరుగుతోంది. అక్టోబర్ 2న ఈ చిత్రం థియేటర్స్‌లోకి రాబోతుంది. దయచేసి మమ్మల్ని నమ్మండి. వేచి ఉండడం ఎంత విలువైనదో మీకే అర్థంమవుతుంది. ఈ సినిమాపై వస్తోన్న ఊహాగానాలకు దూరంగా ఉండండి. వాటిని పట్టించుకోకండి. అలాగే నెటిజన్లకు అనధికారిక ప్రటనలను షేర్ చేయవద్దని రిక్వెస్ట్ చేస్తున్నాము’’ అని రాసుకొచ్చారు. ప్రస్తుతం ఇందుకు సంబంధించిన పోస్ట్ నెట్టింట వైరల్ కావడంతో రిషబ్ శెట్టి అభిమానులు సంతోష పడుతున్నారు.