స్టార్ కిడ్ చేసిన అవమానంతో ఏడ్చిన కంగనా రనౌత్
నీనా గుప్తా కూతురు, స్టార్ కిడ్ మసాబా గుప్తా గురించి కంగనా రనౌత్ చాలా ఘాటు వ్యాఖ్యలు చేసింది. బాలీవుడ్లో ‘కమ్యూనల్ బయాస్(మతపరమైన వివక్ష)’ టాపిక్ విషయంలో స్పందించింది.
దిశ, సినిమా : నీనా గుప్తా కూతురు, స్టార్ కిడ్ మసాబా గుప్తా గురించి కంగనా రనౌత్ చాలా ఘాటు వ్యాఖ్యలు చేసింది. బాలీవుడ్లో ‘కమ్యూనల్ బయాస్(మతపరమైన వివక్ష)’ గురించి AR రెహమాన్ చేసిన కామెంట్లకు ప్రతిస్పందనగా ఈ ఓల్డ్ ఇన్సిడెంట్ను సోషల్ మీడియాలో పంచుకుంది. తన ఫిల్మ్ Tejas ప్రమోషన్స్ కోసం మసాబా గుప్తా డిజైన్ చేసిన శారీని స్టైలిస్ట్ ద్వారా తీసుకుంది కంగన. తర్వాత ఆ శారీని రామ్ జన్మభూమి (అయోధ్య) దర్శనానికి వెళ్లేటప్పుడు ధరించాలనుంది. కానీ మసాబా గుప్తా దీన్ని వ్యతిరేకించిందని.. కానీ అప్పటికే కంగన లక్నో నుంచి అయోధ్యకు బయలుదేరిపోవడంతో శారీ మార్చుకోలేకపోయిందని.. అవమానంతో కారులో కూర్చుని ఏడ్చినట్లు చెప్పుకొచ్చింది. ఆ హేట్, బిట్టర్నెస్, ప్రెజుడిస్ గుర్తుచేసుకుంటే వికారంగా అనిపిస్తుందని రాసుకొచ్చింది కంగన. డిజైనర్లు సెలబ్రిటీలు తమ బ్రాండ్ వేసుకుంటే చాలా ఆనందిస్తారు.. కానీ మసాబా ఆ ఫోటోలను ఎందుకు ఉపయోగించలేదు? ఎందుకు ట్యాగ్ చేయమని చెప్పలేదు? అని ప్రశ్నించింది.
