Kamal Haasan: మల్టీ స్టేట్స్ ప్రొమోషన్స్ స్టార్ట్ చేసిన కమల్ హాసన్.. థగ్ లైఫ్‌పై పెరిగిపోతున్న మరింత హైప్

దిశ, సినిమా: ఈ సంవత్సరం భారత సినీ ప్రేక్షకులు ఎంతో ఆసక్తిగా ఎదురు చూస్తున్న సినిమాల్లో ‘థగ్ లైఫ్’ (Thug Life) ఒకటి. కమల్ హాసన్ (Kamal Haasan) హీరోగా, లెజెండరీ దర్శకుడు మణిరత్నం (Mani Ratnam) దర్శకత్వంలో తెరకెక్కుతున్న ఈ హై-ఓక్టేన్ గ్యాంగ్‌స్టర్ డ్రామా జూన్ 5న థియేటర్లలో విడుదలకు సిద్ధమవుతోంది. టీం ఇప్పుడు పూర్తి స్థాయి ప్రమోషన్లతో ప్రేక్షకుల ముందుకు రానుంది. ఏఆర్ రెహ్మాన్ సంగీతం అందించిన ఈ చిత్రంలో ఇప్పటికే విడుదలైన మొదటి సాంగ్ ఘన విజయాన్ని సాధించింది. ఈ ఉత్సాహాన్ని కొనసాగించేందుకు మూవీ టీం ఇప్పుడు ప్రొమోషన్‌లకు స్పెషల్ ప్లాన్ రూపొందించింది.

మే 17న థగ్ లైఫ్ ట్రైలర్ (Trailer) ఆన్‌లైన్‌లో విడుదల కానుంది. మే 24న హైదరాబాద్‌(Hyderabad)లో గ్రాండ్‌గా ఆడియో లాంచ్ (Audio launch) జరగనుంది. మే 29న విశాఖపట్నం(Visakhapatnam)లో తెలుగు వెర్షన్ ప్రీ-రిలీజ్ ఈవెంట్‌ను నిర్వహించనున్నారు. తెలుగులో కమల్ హాసన్‌కి హ్యూజ్ ఫ్యాన్ ఫాలోయింగ్ ఉన్న కారణంగా.. తెలుగు ఆడియన్స్ అందరినీ కలవాలని కమలహాసన్ ఈ సినిమాని అగ్రెసివ్‌గా ప్రమోట్ చేయబోతున్నారు. కాగా.. హీరో నితిన్ ఫాదర్ ఎన్ సుధాకర్ రెడ్డి శ్రేష్ఠ్ మూవీస్ ద్వారా ఈ సినిమా తెలుగులో విడుదల చేయబోతున్నారు. మల్టీ స్టేట్స్ ప్రొమోషన్‌లతో ‘థగ్ లైఫ్’ ని ట్రూ పాన్-ఇండియా బ్లాక్‌బస్టర్‌గా నిలిపేందుకు టీమ్ కాంప్రమైజ్ కాకుండా అన్ని విధాలుగా కృషి చేస్తుండటంతో ఈ మూవీపై మరిన్ని ఎక్స్‌పెక్టేషన్స్ క్రియేట్ అవుతున్నాయి.