ప్రేమ నిప్పులాంటిది.. దీపం కావొచ్చు.. దహించే కార్చిచ్చ కావొచ్చు.. ఆసక్తిరంగా ‘కాగితం పడవలు’ ట్రైలర్

దిశ, సినిమా : ఎంజీఆర్ తుకారాం దర్శకత్వంలో తెరకెక్కుతున్న బ్యూటిఫుల్ లవ్ స్టోరీ ‘కాగితం పడవలు’. ఎస్ఎల్ఎన్ సినీ క్రియేషన్స్, ప్రణధి క్రియేషన్స్, నవ నారాయణ సినీ క్రియేషన్స్ బ్యానర్స్‌పై కీర్తన నరేష్ T. R. ప్రసాద్ రెడ్డి వెంకట్రాజుల, గాయిత్రమ్మ అంజనప్ప నిర్మిస్తున్నారు. ఇప్పటికే విడుదలైన గ్లింప్స్‌కి అద్భుతమైన రెస్పాన్స్ రాగా.. తాజాగా చార్మింగ్ స్టార్ శర్వానంద్ ఈ సినిమా ట్రైలర్‌ను లాంచ్ చేశారు. ఈ సందర్భంగా మాట్లాడిన ఆయన.. ‘తుకారం ఎలాంటి ఇండస్ట్రీ బ్యాక్‌గ్రౌండ్ లేకుండా సినిమా మీద పాషన్‌తో ఇక్కడికి వచ్చాడు. ఈ ట్రైలర్ చాలా అద్భుతంగా ఉంది. చాలా నిజాయితీగా తీశాడు. సినిమా చూడాలనే ఆసక్తి ఏర్పడింది. వర్ధన్‌ను చూస్తుంటే ఫస్ట్ సినిమా లాగా అనిపించలేదు. తను చాలా ప్రామిస్‌గా కనిపిస్తున్నాడు. ఈ సినిమా టీమ్ అందరికీ చాలా మంచి విజయాన్ని అందించాలని కోరుకుంటున్నాను’ అని తెలిపాడు. ఇక.. ‘ప్రేమ నిప్పులాంటిది. అది రెండు జీవితాలకు వెలుగునిచ్చే దీపం అవ్వచ్చు.. లేదా అడవిని దహించే కార్చిచ్చుగా మారొచ్చు’ అనే డైలాగ్‌తో మొదలైన ట్రైలర్ ఆద్యంతం ఆకట్టుకుంది. లీడ్ పెయిర్ వర్ధన్, కృష్ణప్రియ కెమిస్ట్రీ బ్యూటీఫుల్‌గా ఉండగా.. ఎంజీఆర్ తుకారాం టేకింగ్ అద్భుతంగా వుంది. ఈ చిత్రానికి AIS.నౌఫల్ రాజామ్యూజిక్ అందిస్తుండగా.. రుద్రసాయి డీవోపీగా పని చేస్తున్నారు. జెస్విన్ ప్రభు ఎడిటర్ కాగా ఎగ్జిక్యూటివ్ ప్రొడ్యూసర్‌గా ఎం.హిమ బిందు బాధ్యతలు నిర్వహిస్తున్నారు.