JSK: సైలెంట్‌గా ఓటీటీలోకి జానకి వర్సెస్ స్టేట్ ఆఫ్ కేరళ.. స్ట్రీమింగ్ ఎందులో అంటే?

దిశ, సినిమా: అనుపమ పరమేశ్వరన్ (Anupama Parameswaran) ప్రధాన పాత్రలో నటించిన లేటెస్ట్ కోర్ట్ రూమ్ థ్రిల్లర్ మూవీ ‘జానకి వర్సెస్ స్టేట్ ఆఫ్ కేరళ’. ప్రవీణ్ నారాయణ్ దర్శకత్వంలో తెరకెక్కిన ఈ మూవీలో లైంగిక వేధింపులకు గురైన యువతిగా అనుపమ పరమేశ్వరన్ కనిపించింది. ఇక రిలీజ్‌కు ముందు ఈ సినిమా ఎన్నో అడ్డంకులను, వివాదాలను ఎదుర్కొంది. అనుపమ పోషించిన బాధితురాలి పాత్రకు ‘జానకి’ అనే పేరు పెట్టడంపై విమర్శలు రావడంతో సెన్సార్ బోర్డ్ సర్టిఫికేట్ జారీ చేయలేదు. ఇలా ఎన్నో వాయిదాల తర్వాత జులై 17న థియేటర్స్‌లో రిలీజైంది. ఇప్పుడు ఈ చిత్రం సైలెంట్‌గా ఓటీటీలోకి వచ్చేసింది. ‘జానకి వర్సెస్ స్టేట్ ఆఫ్ కేరళ’ డిజిటల్ స్ట్రీమింగ్ హక్కులను ప్రముఖ ఓటీటీ సంస్థ జీ 5 సొంతం చేసుకోగా.. ఈ రోజు (22-08-2025) నుంచి తెలుగు, తమిళ్, కన్నడ, హిందీ భాషల్లో స్ట్రీమింగ్ అందుబాటులోకి వచ్చేసింది.