బ్లాక్ బస్టర్ సైన్స్ ఫిక్షన్ రొమాంటిక్ కామెడీ డ్రామాలో జాన్వీ కపూర్!

దిశ, సినిమా: షాహిద్ కపూర్, కృతి సనన్ ప్రధాన పాత్రల్లో నటించిన సైన్స్ ఫిక్షన్ రొమాంటిక్ కామెడీ చిత్రం ‘తేరీ బాటన్ మే ఐసా ఉల్జా జియా’. ఒక మనిషి, రోబోట్‌ని ప్రేమించడం అనే వినూత్న కథాంశంతో తెరకెక్కిన ఈ చిత్రానికి అమిత్ జోషి, ఆరాధనా సాహ్ దర్శకత్వం వహించగా.. 2024లో లవర్స్ డే స్పెషల్‌గా వచ్చి సూపర్ సక్సెస్ అందుకుంది. మ్యాడాక్ ఫిల్మ్స్, జియో స్టూడియోస్ భారీ బడ్జెట్‌తో రూపొందిన ఈ మూవీకి ఇప్పుడు సీక్వెల్ రాబోతున్నట్లు తెలుస్తుంది. ఈ సైన్స్ ఫిక్షన్ రొమాంటిక్ డ్రామా సీక్వెల్ ప్రస్తుతం ప్రాథమిక దశలో ఉందని తెలుస్తుంది.

షాహిద్ కపూర్, కృతి సనన్ ప్రధాన పాత్రల్లో సాగిన కథనే, ఈ తర్వాతి భాగంలో కొనసాగించాలని భావిస్తున్నారట. Maddock Films సంస్థ ఈ ప్రాజెక్ట్‌ను ఇంకా అధికారికంగా ప్రకటించనప్పటికీ, ప్రధాన తారాగణం మళ్లీ ఇందులో నటించే అవకాశం ఉందని ప్రాథమిక సంకేతాలు సూచిస్తున్నాయి. ప్రస్తుతం స్క్రిప్ట్‌కు సంబంధించిన చర్చలు జరుగుతుండగా.. ఈ చిత్రంలో మరో ఇంపార్టెంట్ క్యారెక్టర్ కోసం బాలీవుడ్ బ్యూటీ జాన్వీ కపూర్‌ను సైతం ఎంపిక చేసినట్లు తెలుస్తుంది. ఇప్పటికే మొదటి భాగం సూపర్ సక్సెస్ కాగా.. రెండొవ భాగంలో నటించేందుకు గ్రీన్ సిగ్నల్ ఇచ్చిందట జాన్వీ. అయితే.. ఈ సీక్వెల్‌తో పాటు జాన్వీ పాత్రపై కూడా త్వరలో అప్డేట్ వచ్చే అవకాశాలు ఉన్నట్లు బాలీవుడ్ వర్గాల నుంచి సమాచారం.