Vijay Devarakonda: VD12 పై ఇంట్రెస్టింగ్ అప్‌డేట్.. లాస్ట్ షెడ్యూల్ స్టార్ట్ అయ్యేది అక్కడే!

దిశ, సినిమా: రౌడీ హీరో విజయ్ దేవరకొండ (Vijay Devarakonda), డైరెక్టర్ గౌతమ్ తిన్ననూరి (Gautam Tinnanuri) కాంబినేషనల్‌లో రాబోతున్న లేటెస్ట్ మూవీ ‘VD12’. సితార ఎంటర్‌టైన్మెంట్స్ బ్యానర్‌పై సూర్య దేవర నాగవంశీ (Surya Devara Nagavamshi) నిర్మిస్తు్న్న ఈ చిత్రంలో భాగ్యశ్రీ బోర్సే (Bhagyashree Borse) హీరోయిన్‌గా నటిస్తుంది. ప్రజెంట్ షూటింగ్ శరవేగంగా జరుగుతోన్న ఈ సినిమాకు సంబంధించిన ఓ న్యూస్ నెట్టింట చక్కర్లు కొడుతోంది.

ఈ మేరకు VD12 షూటింగ్ అప్‌డేట్ ఇస్తూ.. ‘VD12 చివరి షెడ్యూల్ (Final schedule) ఫిబ్రవరి 6 నుండి వైజాగ్‌ (Vizag)లో ప్రారంభమవుతుంది. అలాగే ఈ షూటింగ్ ఒక నెల పాటు కొనసాగే అవకాశం ఉంది. గతేడాది కూడా స్టీల్ సిటీలో భారీ స్థాయిలో చిత్రీకరణ జరిపారు మేకర్స్. ఈ చిత్రాన్ని ముగించిన తర్వాత, విజయ్ రాహుల్ సంకృత్యాన్ పీరియాడికల్ డ్రామా చిత్రీకరణలో మునిగిపోతాడు’ అంటూ ఓ పోస్ట్ నెట్టింట వైరల్ అవుతోంది. కాగా.. విజయ్ కెరీర్‌లోనే అత్యంత భారీ బడ్జెట్‌తో తెరకెక్కుతున్న ఈ చిత్రం రెండు పార్టులు (Two parts)గా ప్రేక్షకుల ముందుకు తీసుకొచ్చేలా ప్లాన్ చేస్తున్నారు మేకర్స్. అంతేకాకుండా కేవలం ప్రకటనలతోనే ఈ సినిమాపై భారీ హైప్ క్రియేట్ చేస్తున్నారు. దీంతో ఈ చిత్రం విజయ్ దేవరకొండకు మంచి కమ్ బ్యాక్ ఇస్తుందని దీమా వ్యక్తం చేస్తున్నారు రౌడీ హీరో ఫ్యాన్స్. ఇదిలా ఉంటే.. VD12 టీజర్ ఫిబ్రవరి 7న రిలీజ్ అయ్యే అవకాశాలు ఉన్నట్లు తెలుస్తుండగా.. దీనిపై అఫీషియల్ అనౌన్స్‌మెంట్ రావాల్సి ఉంది.