కన్నప్ప మూవీలో మన డార్లింగ్ ఎంత సేపు కనిపించనున్నారో తెలిస్తే షాక్ అయ్యి షేక్ అవ్వాల్సిందే..

దిశ, వెబ్‌డెస్క్: హీరో విష్ణు మంచు(Vishnu Manchu) డ్రీమ్ ప్రాజెక్ట్‌గా తెరకెక్కుతోన్న సినిమా ‘కన్నప్ప’(Kannappa). ముఖేష్ కుమార్ సింగ్ దర్శకత్వం వహిస్తున్న మూవీని.. అవా ఎంటర్‌టైన్మెంట్స్(Ava Entertainments), 24 ఫ్రేమ్స్ ఫ్యాక్టరీ బ్యానర్లపై మంచు మోహన్ బాబు(Mohan Babu) నిర్మిస్తున్నారు. ఇక ఎంతో ప్రతిష్టాత్మకంగా రూపొందుతున్న ఈ సినిమాలో మోహన్ లాల్(Mohanlal), అక్షయ్ కుమార్(Akshay Kumar), ప్రభాస్, శరత్ కుమార్ వంటి స్టార్ హీరోలు కీలక పాత్రల్లో నటిస్తున్నారు. ఇక ఇప్పటికే ఈ చిత్రం నుంచి వచ్చిన అన్ని అప్‌డేట్స్ ఎంతగానో ఆకట్టుకున్నాయి.

అయితే ఎప్పటి నుంచో వాయిదా పడుతూ వస్తోన్న ఈ సినిమా ఎట్టకేలకు జూన్ 27న ప్రేక్షకుల ముందుకు రానుంది. ఈ క్రమంలో ఈ మూవీకు సంబంధించిన ఓ గాసిప్ నెట్టింట వైరల్ అవుతోంది. అదేంటంటే.. ‘ కన్నప్ప ‘ సినిమా నిడివి ఎంత అనేది వెల్లడైంది. ఈ సినిమా నిడివి సుమారు 3 గంటల 10 నిమిషాలని తెలుస్తోంది. ఈ క్రేజీ ప్రాజెక్టులో ప్రభాస్ రుద్రుడిగా కనిపించనున్నాడు. మూడు గంటలకు పైగా నిడివి గల ఈ చిత్రంలో ప్రభాస్ సుమారు 30 నిమిషాలు కనిపిస్తారు.

విష్ణు, మోహన్ బాబులతో అతని కాంబినేషన్ సీన్స్ ఉంటాయట. ఇక కన్నప్ప సినిమాలో మలయాళ సూపర్ స్టార్ మోహన్ లాల్ పాత్ర కేవలం 15 నిమిషాలు మాత్రమే ఉండనుందట. అయితే ఈ రోల్ సినిమాలో చాలా కీలకం కానుందట. వీరితో పాటు అక్షయ్ కుమార్ శివుడి పాత్రలో, కాజల్ అగర్వాల్ పార్వతి పాత్రలో కనిపించనున్నారు. వీరిద్దరూ 10 నిమిషాలు స్క్రీన్‌పై కనిపించనున్నారని టాక్. ప్రస్తుతం ఇందుకు సంబంధించిన న్యూస్ నెట్టింట వైరల్‌గా మారగా.. ఫ్యాన్స్ ఫుల్ హ్యాపీగా ఫీల్ అవుతున్నారు.