ఈ అనుభూతిని నేను జీవితాంతం మర్చిపోలేను.. మృణాల్ ఎమోషనల్ పోస్ట్

దిశ, సినిమా: యంగ్ హీరోయిన్ మృణాల్ ఠాకూర్ ‘సీతారామం’ సినిమాతో ఓవర్ నైట్ స్టార్‌గా మారిపోయారు. ఆ తర్వాత తెలుగులో పలు చిత్రాల్లో నటించిన ఆ భామ ఫుల్ క్రేజ్ రాబట్టుకున్నారు. తన యాక్టింగ్, అందం, అభినయంతో ప్రశంసలు పొందుతూ ఇండస్ట్రీలో రాణిస్తున్నారు. ఇక మృణాల్ ఇటీవల నటించిన సినిమా ‘డెకాయిట్’. ఇందులో ఆమె యాక్టింగ్‌కు ప్రేక్షకులు ఫిదా అయిపోయారు. అయినప్పటికీ ఈ మూవీ మాత్రం బాక్సాఫీసు వద్ద హిట్ అందుకోలేకపోయింది. ప్రస్తుతం మృణాల్ ఖాతాలో ఎలాంటి ప్రాజెక్ట్ లేకపోవడంతో సోషల్ మీడియాలో యాక్టివ్‌గా ఉంటూ పలు పోస్టులు షేర్ చేస్తున్నారు.

తమ్ముడి గ్రాడ్యుయేషన్ కోసం అమెరికా వెళ్లిన మృణాల్.. సోషల్ మీడియాలో ఎమోషనల్ పోస్ట్ పెట్టారు. ‘‘నా హృదయం సంతోషంతో నిండిపోయింది. నా కలల్లో ఒకటి నిజమవ్వడం.. అది కూడా నువ్వు అంత సులువుగా సాధించడం కళ్లారా చూడటం చాలా ప్రత్యేకమైన అనుభూతి. నిన్ను చూస్తే నాకు చాలా గర్వంగా ఉంది. నువ్వు ఎదుగుతున్న తీరు, నిజంగా నువ్వు ఎంత మంచి అబ్బాయివో, మనసున్న వాడివో చూస్తుంటే ముచ్చటేస్తోంది. గ్రాడ్యుయేషన్ పూర్తి చేసినందుకు అభినందనలు బేటా. నీ భవిష్యత్తు చాలా అద్భుతంగా ఉండాలని మనస్ఫూర్తిగా కోరుకుంటున్నాను. నిజం చెప్పాలంటే.. నాకేదో సినిమా సీన్‌లో ఉన్నట్లు అనిపించింది. హేహే.. ఆ గ్రాడ్యుయేషన్ వేడుక అంత అందంగా జరిగింది.. ఈ అనుభూతిని నా జీవితాంతం మర్చిపోలేను’’ అని రాసుకొచ్చారు.