క్యారెక్టర్ కోసం చాలా మారాల్సి వచ్చింది.. ‘మెన్షన్ హౌస్ మల్లేష్’ హీరో వైరల్ కామెంట్స్

దిశ, సినిమా: ‘మెన్షన్ హౌస్ మల్లేష్’ మంచి కామెడీ, ఫ్యామిలీ ఎంటర్టైనర్. ఈ సినిమాతో ఆడియన్స్ నా పేరు గుర్తుపెట్టుకుంటారని కోరుకుంటున్నా అంటున్నాడు హీరో శ్రీనాథ్ మాగంటి. ఆయన నటిస్తున్న ‘మెన్షన్ హౌస్ మల్లేష్’ చిత్రానికి బాల సతీష్ దర్శకత్వం వహిస్తున్నాడు. గాయత్రి రమణ, సాయి కామాక్షి భాస్కర్ల హీరోయిన్స్. ఈ చిత్రం మార్చి 6న రిలీజ్‌కు ఉండగా.. సినిమాలో హైలెట్స్ పంచుకున్నాడు హీరె శ్రీనాథ్. ‘ఇందులో నేను పొగరుబోతు, దారితప్పి లేనిపోనీ అలవాట్లుతో ఉన్న ఓ క్యారెక్టర్‌లో కనిపిస్తాను. అలాంటి వాడిని అతని తల్లి, భార్య ఎలా దారిలోకి తీసుకోస్తారనేది చాలా సరదాగా చెప్పాం. ఇది మంచి ఫ్యామిలీ ఎంటర్టైనింగ్ కామెడీ జానర్ ఫిల్మ్. ఫ్యామిలీ అంతా కలసి నవ్వుకునే సినిమా. ఈ సినిమాలో నన్ను నేను కొత్తగా చూపించుకోడానికి ఒక అవకాశం దొరికింది. ఇందులో యాక్టర్ కోసం కొన్ని రియల్ లైఫ్ క్యారెక్టర్స్‌ని అబ్జర్వ్ చేశాను. మల్లేష్‌ని చూపించడానికి నేను చాలా మారాల్సి వచ్చింది. ఈ సినిమాతో ఆడియన్స్ నా పేరు గుర్తుపెట్టుకుంటారని నమ్ముతున్నాను. మా ట్రైలర్ రిలీజ్ చేసిన సందీప్ రెడ్డి వంగా.. చాలా బాగా వచ్చిందని చెప్పారు. ప్రస్తుతం స్పిరిట్‌లో చాలా బిజీగా ఉన్నప్పటికీ సినిమా థియేటర్‌లో చూస్తా అని చెప్పారు’ అని తెలిపాడు.