SSMB28 అప్‌డేట్.. మళ్లీ తెరపైకి ఆ స్టార్ హీరో పేరు..??
దిశ, వెబ్‌డెస్క్: సూపర్ స్టార్ మహేష్ బాబు, త్రివిక్రమ్ కాంబో మూవీ కోసం అభిమానులు ఎంతో ఆశగా ఎదురుచూస్తున్నారు. ఈ మూవీకి సంబంధించిన అధికారిక ప్రకటన కూడా వచ్చేసింది. కానీ సినిమా ఎప్పుడు పట్టాలెక్కుతుందని మాత్రం క్లారిటీ లేదు. అయితే తాజాగా ఈ సినిమాలో మహేష్‌ను ఢీ కొట్టేందుకు మరో స్టార్ హీరోను తీసుకునేందుకు మేకర్స్ ప్లాన్ చేస్తున్నారని టాక్ నడుస్తోంది. అది కూడా ఎవరినో కాదు. తమిళ స్టార్ హీరో విక్రం. మూవీ మేకర్స్ ఎస్ఎస్ఎంబీ28లో విలన్ పాత్ర కోసం విక్రంను సంప్రదించారని, ఈ మూవీని పాన్ ఇండియా లెవెల్‌‌లో తెరకెక్కించేందుకు త్రివిక్రమే ఈ ప్లాన్ చేశాడని నెట్టింట వార్తలు తెగ వినిపిస్తున్నాయి.
అయితే తాజాగా విక్రం మేనేజర్ ఈ వార్తలకు ఫుల్‌స్టాప్ పెట్టాడు. మహేష్ మూవీలో విక్రం పాత్రపై క్లారిటీ ఇచ్చాడు. ఈ విషయాన్ని తన ట్విట్టర్ ఖాతా ద్వారా చెప్పాడు. 'మహేష్ చేస్తున్న ఏ ప్రాజెక్ట్‌లోనూ విక్రం నటించడం లేదు. వస్తున్న వార్తలన్నీ అబద్దాలు' అని సూర్యనారాయణ్ తన ట్వీట్‌లో చెప్పాడు. ఈ ట్వీట్‌తో ఇద్దరి హీరోల ఫ్యాన్స్ తీవ్ర నిరాశ చెందారు. దీంతో నెట్టింట మళ్లీ చర్చ మొదలైంది. మహేష్, త్రివిక్రమ్ మూవీలో విలన్‌గా ఎవరు చేస్తారంటూ చర్చలు వస్తున్నాయి. మరి దీనిపై మూవీ టీం త్వరలో ఏమైనా క్లారిటీ ఇస్తుందేమో చూడాలి.
