తాత కావాల్సిన వయసులో తండ్రి కాబోతున్న స్టార్ నటుడు.. అఫిషియల్ అనౌన్స్‌మెంట్..

దిశ, ఫీచర్స్ : అర్బాజ్ ఖాన్.. సల్మాన్ ఖాన్ సోదరుడు. విలన్‌గానే కాదు హోస్ట్‌గా కూడా మంచి పేరు సంపాదించుకున్నాడు. మలైకా అరోరాను పెళ్లి చేసుకుని ఒక కొడుక్కు తండ్రి కూడా అయ్యాడు. ప్రస్తుతం అర్హాన్ వయసు 18 ఏళ్లు. కాగా దాదాపు ఇరవై ఏళ్ల దాంపత్యం తర్వాత ఇప్పటికే మలైకాకు విడాకులు ఇచ్చేసిన అర్బాజ్ ఖాన్ మళ్లీ పెళ్లి చేసుకున్నాడు. షురా జార్జియా ఆండ్రియాని ప్రేమించి జీవిత భాగస్వామిగా చోటు ఇచ్చాడు. అయితే గతేడాది పెళ్లి చేసుకున్న వీరిద్దరు తాజాగా శుభవార్త చెప్పారు. మళ్లీ తండ్రి కాబోతున్నానని అఫిషియల్‌గా అనౌన్స్ చేశాడు.

దీంతో నెటిజన్లు ట్రోలింగ్ స్టార్ట్ చేశారు. ఇప్పటికే కొడుకుకు పెళ్లి చేసుకునే వయసు వచ్చేసింది. పెళ్లి చేస్తే తాతగా ప్రమోట్ అయ్యేటోడివి కదా.. తాత కావాల్సిన టైంలో తండ్రి కాబోతున్నావా అని విమర్శిస్తున్నారు. ఈ ఏజ్‌లో తండ్రి అయితే పిల్లల బాధ్యతను సరిగ్గా నిర్వర్తించగలవా? కనీసం ఆలోచించలేదా? అని ప్రశ్నిస్తున్నారు. బాలీవుడ్ స్టార్స్ ఇలాంటి పనులు చేస్తుంటే జనాలకు అభిమానం లేకుండా పోతుందని కామెంట్స్ చేస్తున్నారు. అయితే అర్బజ్ ఖాన్ వెల్ విషర్స్ మాత్రం కంగ్రాట్స్ చెప్తున్నారు.