ఘట్టమనేని వారుసుడు ఎంట్రీకి ఆల్ సెట్.. క్రేజీ ప్రాజెక్ట్ అనౌన్స్‌మెంట్ త్వరలోనే అంటూ పోస్ట్

దిశ, సినిమా: దివాంగత నటుడు సూపర్ స్టార్ కృష్ణ మనవడు, రమేశ్ బాబు తనయుడు ఘట్టమనేని జయకృష్ణ హీరోగా వెండితెరకు ఎంట్రీ ఇవ్వబోతున్న విషయం తెలిసిందే. ఈ డెబ్యూ సినిమాకు అజయ్ భూపతి దర్శకత్వం వహించనుండగా.. వైజయంతిపై అశ్వనీదత్, ఆనంది ఆర్ట్స్‌పై కిరణ్ నిర్మించనున్నారు. ఇందులో సారా అర్జున్‌ను హీరోయిన్‌గా అనుకుంటున్నట్లు ఫిలిమ్ వర్గాల నుంచి టాక్. అయితే.. తాజాగా ఈ ఘట్టమనేని వారసుడు సినిమాకు సంబంధించి మరో అప్డేట్ వచ్చింది. ఘట్టమనేని జయకృష్ణ సినిమా స్క్రిప్ట్‌ను ఇప్పటికే కంపోజ్ చేయగా.. ఆకర్షనీయంగా, కూల్‌గా చాలా బాగా వచ్చిందట. అంతే కాకుండా.. ఈ క్రేజీ ప్రాజెక్ట్ అనౌన్స్‌మెంట్ కూడా త్వరలోనే ఉండనుందని ఫిలిమ్ వర్గాల నుంచి సమాచారం. ప్రస్తుతం ఇందుకు సంబంధించిన న్యూస్ వైరల్ అవుతుండగా.. మహేష్ బాబు కొడుకు కూడా ఎంట్రీ ఇచ్చేస్తే బాగుండు అంటూ కామెంట్స్ చేస్తున్నారు ప్రిన్స్ ఫ్యాన్స్. Link