జెనీలియాను టార్చర్ చేసిన నటుడు.. 3 ఏళ్ళ నుంచే ?

దిశ, వెబ్ డెస్క్: టాలీవుడ్ ఇండస్ట్రీలో ఒకప్పుడు వెలుగు వెలిగి.. ఇప్పుడు కనుమరుగైపోయిన హీరోయిన్లు చాలా మంది ఉన్నారు. ఇక మరికొంతమంది.. రీఎంట్రీలు కూడా ఇస్తున్నారు. అలా ఎంట్రీ ఇస్తున్న వారిలో జెనీలియా (Genelia Deshmukh) ఒకరు. హీరోయిన్ జెనీలియా గురించి ప్రత్యేకంగా చెప్పాల్సిన పనిలేదు. బొమ్మరిల్లు సినిమాలో హాసిని గా తెలుగు ప్రేక్షకులకు బాగా దగ్గరైన ఈ బ్యూటీ.. ఆ తర్వాత బడా హీరోలు అందరితో సినిమాలు చేసింది.

అయితే రితీష్ దేశ్ ముఖ్ ను ( Riteish Deshmukh)పెళ్లి చేసుకున్న ఈ బ్యూటీ... ఆ తర్వాత సినిమాలు చేయడం మానేసింది. రితీష్ కూడా ఓ నటుడు అన్న సంగతి తెలిసిందే. అయితే చాలా రోజుల తర్వాత ఇప్పుడు హీరోయిన్ జెనీలియా సౌత్ ఇండస్ట్రీలోకి రీ ఎంట్రీ ఇవ్వబోతున్నారు. జూనియర్ (junior movie) అనే కొత్త సినిమాలో హీరోయిన్ జెనీలియా ప్రత్యేక పాత్రలో కనిపించబోతున్నారు. దాదాపు 13 సంవత్సరాల తర్వాత ఈ బ్యూటీ కం బ్యాక్ చేస్తోంది.

ఈనెల చివర్లో జూనియర్ సినిమా రిలీజ్ కానుంది. ఇలాంటి నేపథ్యంలో జెనీలియా ఆసక్తికర వ్యాఖ్యలు చేశారు. 13 సంవత్సరాల తర్వాత మళ్లీ సౌత్ ఇండస్ట్రీలోకి రావడం వెనుక ఉన్న కారణాన్ని తెలియజేసింది. దీనికి తన భర్త రితీష్.. అంటూ వ్యాఖ్యానించింది. తన భర్త మూడు సంవత్సరాల నుంచి.. ఈ విషయంలో టార్చర్ చేస్తున్నాడని వెల్లడించింది. సినిమాల్లో రీ ఎంట్రీ చేయాలని పదేపదే కోరాడట. దీంతో జూనియర్ ప్రాజెక్టుకు గ్రీన్ సిగ్నల్ ఇచ్చిందట.