ఫోక్ సాంగ్కు అదిరి పోయే స్టెప్స్ వేసిన విదేశీ అన్నా చెల్లెళ్లు.. సూపర్ అంటూ నెటిజన్ల కామెంట్స్
ప్రపంచంలో ఉన్న మట్టిలో మాణిక్యాలు ఇప్పుడు సోషల్ మీడియా(Social media) ద్వారా ప్రపంచానికి పరిచయమవుతున్నారు.
దిశ, వెబ్డెస్క్: ప్రపంచంలో ఉన్న మట్టిలో మాణిక్యాలు ఇప్పుడు సోషల్ మీడియా(Social media) ద్వారా ప్రపంచానికి పరిచయమవుతున్నారు. అలాంటి వారిలో కిలీపాల్(Kili Paul) ఒకరు. ఆఫ్రికాలోని టాంజానియాకు చెందిన కిలీపాల్ గురించి ప్రత్యేకంగా చెప్పక్కర్లేదు. స్వతహాగా డాన్సర్ అయిన ఆయన.. కంటెంట్ క్రియేటర్గా నెట్టింట దూసుకుపోతున్నాడు. ముఖ్యంగా అతను భారతీయ సినిమాల్లోని డైలాగ్స్.. పాటలకు డాన్స్ చేస్తూ తెగ ఫేమస్ అయ్యాడు. కేవలం కిలీపాల్ మాత్రమే కాకుండా.. అతని చెల్లెలు నీమా పాల్(Neema Paul) సైతం తన అన్నయ్యతో కలిసి డాన్స్ చేస్తుంది.
వీరికి ఇన్స్టాలో ఫాలోవర్స్ కూడా అధికంగా ఉన్నారు. తన డాన్స్ స్టెప్పులతో సెలబ్రిటీ అయి ఫుల్ ఫేమస్ అయ్యారు. ఈ క్రమంలో వీరిద్దరికీ సంబంధించిన ఓ వీడియో నెట్టింట చక్కర్లు కొడుతోంది. తాజాగా కిలీపాల్ తన సోదరి నీమా పాల్ ఫోక్ సాంగ్ అయినటువంటి కమలాపురం రోడ్డాట.. కాగితాల కంపెనీ పాటకు మాస్ స్టెప్స్ వేశారు. సేమ్ ఈ పాటకు మన తెలుగు ఫోక్ డ్యాన్సర్ ఎలా చేశారో అలాగే అచ్చుగుద్దినట్టు దించేశారు. దీంతో ఈ వీడియో కాస్తా నెట్టింట వైరల్గా మారింది. ఇక దీన్ని చూసిన నెటిజన్లు సూపర్ అంటూ కామెంట్స్ చేస్తున్నారు.
