Pooja Hegde: ఉత్కంఠను రెట్టింపు చేయడంతో పాటు వినోదాన్ని ట్రిపుల్ చేస్తుంది.. బుట్టబొమ్మ కీలక ప్రకటన

దిశ, సినిమా: టాలీవుడ్ బుట్టబొమ్మ పూజా హెగ్డే(Pooja Hegde) అవకాశాలు రాకపోవడంతో కొద్ది కాలంపాటు సినిమాలకు దూరంగా ఉంది. మళ్లీ ‘దేవా’చిత్రంతో రీఎంట్రీ ఇచ్చింది. కానీ హిట్ అందుకోలేకపోయింది. ఇక ఈ అమ్మడు ఇటీవల సూర్య సరసన నటించిన ‘రెట్రో’(Retro) కూడా బాక్సాఫీసు వద్ద రాణించలేకపోయింది. దీంతో ఈ సారి ఎలాగైనా విజయం సాధించాలని పూజా హెగ్డే వచ్చిన అవకాశాలన్నింటినీ ఒప్పుకుంటుంది. ప్రస్తుతం వరుస సినిమాలతో దూసుకుపోతుంది. తెలుగు, హిందీ, తమిళ భాషల్లో బ్యాక్ టు బ్యాక్ అవకాశాలు అందుకుంటూ క్రేజీ బ్యూటీగా మారింది. ప్రస్తుతం ఈ అమ్మడు విజయ్-69, ‘కూలీ’ వంటి చిత్రాల్లో నటిస్తోంది. అలాగే బాలీవుడ్ స్టార్ హీరో వరుణ్ ధావన్(Varun Dhawan) సరసన ‘హై జవానీ తో ఇష్క్ హోనా హై’ మూవీలో జతకట్టబోతుంది.

డేవిడ్ ధావన్ (David Dhawan)దర్శకత్వంలో రాబోతున్న ఈ సినిమాలో మృణాల్ ఠాకూర్(Mrunal Thakur), మౌని రాయ్, మనీష్ పాల్, చుంకీ పాండే, రాజేష్ కుమార్ కీలక పాత్రలో కనిపించబోతున్నారు. అయితే ఈ చిత్రాన్ని టిప్స్ ఫిల్మ్స్ బ్యానర్‌పై రమేష్ తరని నిర్మిస్తున్నారు. ఇక షూటింగ్ శరవేగంగా జరుపుకుంటున్న ఈ సినిమాపై ప్రేక్షకుల్లో భారీ అంచనాలు నెలకొన్నాయి. తాజాగా, ‘హై జవానీ తో ఇష్క్ హోనా హై’ మూవీ మేకర్స్ ఈ సినిమాకు సంబంధించిన అప్డేట్‌నుపూజా హెగ్డే ఇన్‌స్టాగ్రామ్ ద్వారా షేర్ చేసింది. ఈ మూవీ వచ్చే ఏడాది ఏప్రిల్ 10న థియేటర్స్‌లోకి రాబోతున్నట్లు ప్రకటించింది. అలాగే ఈ పోస్ట్‌కు ‘‘ఉత్కంఠను రెట్టింపు చేయడంతో పాటు వినోదాన్ని ట్రిపుల్ చేస్తుంది.. రెడీగా ఉండండి’’ అనే క్యాప్షన్ జత చేసింది. ప్రస్తుతం పూజా పోస్ట్ సోషల్ మీడియాలో వైరల్‌గా మారింది. ఇక అది చూసిన నెటిజన్లు వెయిట్ చేయలేకపోతున్నామని కామెంట్లు పెడుతున్నారు.