ఈ కమెడియన్ కోటీశ్వరుడు అని తెలుసా? ఎన్ని కోట్ల ఆస్తులు ఉన్నాయంటే!

దిశ, వెబ్ డెస్క్ : టాలీవుడ్ ఇండస్ట్రీలో మంచి గుర్తింపును సంపాదించుకున్న కమెడియన్లలో సుదర్శన్ ఒకరు. ఈయనకు కుమారి 21ఎఫ్ సినిమా ద్వారా మంచి గుర్తింపు వచ్చింది. ఈ మధ్యకాలంలో సుదర్శన్ సినిమాలలో సామజవరగమన, నారీ నారీ నడుమ మురారి సినిమాలు ఈయనకు మంచి బ్రేక్‌ను తీసుకొచ్చాయి. సినిమాల్లో సాధారణంగా కనబడుతూ ఉండే సుదర్శన్ పెద్ద ఎత్తున ఆస్తులను కలిగి ఉన్నాడు. తాజాగా ఈ విషయాన్ని కమెడియన్ తెలియజేశాడు. సుదర్శన్ తాజాగా ఓ ఇంటర్వ్యూలో పాల్గొన్నారు. అందులో ఆయన "మా నాన్న మోటార్ ఫీల్డ్ బిజినెస్ లో చాలా సంవత్సరాలుగా ఉన్నారు.

ఆయన ఎన్నో లారీలను నడిపి నెల్లూరు లారీ అసోసియేషన్ కి ప్రెసిడెంట్ గా కూడా కొనసాగారు. మా ఓన్ బ్రదర్ కూడా ప్రస్తుతం మా నాన్నగారితో పాటే బిజినెస్ చేస్తూ ఉంటాడు. మాకు నెల్లూరు సెంటర్లో పెద్ద కాంప్లెక్స్ ఉంది. అందులో చాలా షాప్స్ ఉంటాయి. దాని ద్వారా రెంట్స్ బాగానే వస్తాయి. ప్రస్తుతం మా నాన్న, అన్నయ్య కలిసి పీకేఆర్ పేరుతో బస్ ట్రావెల్స్ నడుపుతున్నారు. ఆ బిజినెస్ కూడా బాగానే నడుస్తుంది. ఇక నా విషయానికి వస్తే... నాకు చిన్న వయసు నుండి చదువు పెద్దగా అబ్బలేదు. ఏదో పేరుకు చదివాను అంతే. చదువు రాకపోవడంతో నేను కూడా వ్యాపారంలోకి ఎంట్రీ ఇవ్వాలి అనుకున్నాను. అందులో భాగంగా నెల్లూరులో మీ సేవ సెంటర్ పెట్టాను. నెల్లూరులోనే నేను పెట్టిన మీ సేవ సెంటర్ మొదటిది.

దానిని చాలా ఖర్చుతో స్టార్ట్ చేశాను. దాని ప్రారంభోత్సవానికి నెల్లూరు ఎమ్మెల్యే కూడా వచ్చారు. ఇక మొదటి నెల పూర్తి అయ్యే సరికి నాకు 1800 రూపాయల చెక్ వచ్చింది. ఆ చెక్ ను మా నాన్నగారు చూసి ఈ బిల్డింగ్ను రెంటుకు ఇస్తే 10,000 వస్తుంది. నీ షాప్ కు మూడు వేల కరెంటు బిల్లు వచ్చింది. ఈ డబ్బులను నేను ఏం చేయమంటావు?" అని అడిగాడు. దానితో కొంతకాలానికే నేను మీ సేవ సెంటర్ ను క్లోజ్ చేసేసి హైదరాబాద్ కి వచ్చాను. ఇక్కడ సినిమా అవకాశాల కోసం ప్రయత్నించి సక్సెస్ అయ్యాను. నేను సినిమాల కోసం హైదరాబాద్ కి వచ్చిన తర్వాత ఒక్క రూపాయి కూడా మా ఇంటి నుండి తీసుకోలేదు" అని చెప్పుకొచ్చాడు.