కొణిదెల నాగబాబు ఇంట్లో తీవ్ర విషాదం.. ఎప్పటికీ నువ్వు మా గుండెల్లో ఉంటావంటూ ఎమోషనల్ పోస్ట్
మెగాస్టార్ చిరంజీవి(Chiranjeevi) సోదరుడు కొణిదెల నాగబాబు(Nagababu) అందరికీ సుపరిచితమే.
దిశ, సినిమా: మెగాస్టార్ చిరంజీవి(Chiranjeevi) సోదరుడు కొణిదెల నాగబాబు(Nagababu) అందరికీ సుపరిచితమే. కొన్ని సినిమాల్లో సపోర్టింగ్ క్యారెక్టర్లో నటించి మెప్పించాడు. కానీ అంతగా గుర్తింపు రాలేదు. దీంతో సినిమాలకు గ్యాప్ ఇచ్చి.. రాజకీయాల్లో సెటిల్ అయ్యాడు. ప్రస్తుతం జనసేన పార్టీ(Janasena) రాష్ట్ర ప్రధాన కార్యదర్శిగా బాధ్యతలు నిర్వహిస్తున్నాడు. అలాగే నిత్యం సోషల్ మీడియా((social Media)లో యాక్టీవ్గా ఉంటూ పలు పోస్టులతో వార్తల్లో నిలుస్తూ ఉంటాడు. ఈ క్రమంలో నాగబాబు పోస్ట్ నెట్టింట వైరల్ అవుతోంది.
తాజాగా నాగబాబు తన ఇన్స్టా వేదికగా ఓ ఎమోషనల్ పోస్ట్ పెట్టాడు. అందులో ‘ ప్రియమైన ఫ్లాష్. ఇప్పుడు విశ్రాంతి తీసుకోండి, మాతో మీ అపురూపమైన 14 ఏళ్ల ప్రయాణం ముగిసింది. మీరు పెంపుడు జంతువు కంటే ఎక్కువ అంతేకాదు మీరు మా కుటుంబం. మీ ప్రేమ, విధేయత, సాంగత్యం మా జీవితాలను మేము ఎన్నడూ ఊహించని విధంగా సుసంపన్నం చేశాయి. మీ వెర్రి చేష్టలు, కౌగిలింతలు, షరతులు లేని ప్రేమ మా ఇంటికి ఎనలేని ఆనందాన్ని తెచ్చాయి.
అలాగే నువ్వు నా కుమార్తెకు మంచి స్నేహితురాలివి, అలాగే నమ్మకస్థురాలుగా ఉన్నావు.. మీ బంధం అసలు విడదీయరానిది. అలా మీ ఇద్దరూ కలిసి ఎన్నో జ్ఞాపకాలు సృష్టించారు. ఇక ఇవే మా చివరి వీడ్కోలు.. ఎప్పటికీ నువ్వు మా గుండెల్లో ఉంటావు. మా జీవితాల్లో ఎప్పటికీ మీ పాద ముద్రలు చెక్కి ఉంటాయి. స్వర్గంలో హ్యాపీగా ఉండండి.. సంతోషంగా ఆడుకో.. మేము నిన్ను ప్రేమిస్తున్నాము.. అండ్ మాటల్లో వర్ణించలేనంతగా నిన్ను మేము మిస్ అవుతాము’ అంటూ తమ కుక్కతో ఉన్న ఫొటోలను షేర్ చేశారు. దీంతో నెటిజన్లు ఆ కుక్కకి సంతాపం తెలియజేస్తున్నారు.
