డాన్స్ సీక్వెన్స్‌పై దారుణమైన ట్రోల్స్.. స్టార్ హీరోయిన్‌కు కొరియోగ్రాఫర్‌ మద్దతు

దిశ, వెబ్‌డెస్క్: బాలీవుడ్ యువ నటి అనన్యా పాండే నటించిన తాజా చిత్రం 'చాంద్ మేరా దిల్' (Chand Mera Dil) ఇటీవల విడుదలై థియేటర్లలో నడుస్తోంది. అయితే, ఈ సినిమాలోని ఒక డాన్స్ సీక్వెన్స్ ఇప్పుడు సోషల్ మీడియాలో తీవ్ర వివాదానికి, చర్చకు దారితీసింది. చిత్రంలో అనన్యా పాండే చేసిన భరతనాట్యం ఫ్యూజన్ (Bharatanatyam Fusion) డాన్స్‌పై నెటిజన్లు, కొంతమంది శాస్త్రీయ నృత్య కళాకారులు తీవ్రస్థాయిలో మండిపడుతున్నారు. కానీ, ఈ విమర్శలపై అనన్యా పాండేకు శిక్షణ ఇచ్చిన అసిస్టెంట్ కొరియోగ్రాఫర్ అనన్యా ఆర్. కురుప్ (Anariya R Kurup) గట్టిగా స్పందించారు. అనన్యపై వస్తున్న ట్రోల్స్, విమర్శలన్నీ "అడ్డగోలు వాదనలు" (Absolutely Rubbish) అని కొట్టిపారేశారు.

వివాదం ఏమిటి?

'చాంద్ మేరా దిల్' సినిమాలో అనన్యా పాండే 'చాందిని' అనే కాలేజ్ స్టూడెంట్ పాత్రను పోషించారు. కథలో భాగంగా ఒక కాలేజ్ ఫంక్షన్‌లో ఆమె భరతనాట్యం, మోడ్రన్ హిప్- హాప్ స్టైల్స్ మిక్స్ చేసిన ఒక 'ఫ్యూజన్' డాన్స్ పెర్ఫార్మెన్స్ ఇస్తారు. ఈ సీన్లో బ్యాక్ గ్రౌండ్లో నటరాజ స్వామి విగ్రహం కూడా ఉంటుంది. ఈ క్లిప్ సోషల్ మీడియాలో వైరల్ కావడంతో, సాంప్రదాయ భరతనాట్యాన్ని బాలీవుడ్ దారుణంగా అవమానించిందని నెటిజన్లు ఫైర్ అయ్యారు. ప్రముఖ క్లాసికల్ డాన్సర్ అనితా రత్నం సైతం స్పందిస్తూ.. ఈ క్లిప్ చూస్తుంటే భరతనాట్యాన్ని ఎవరో బందీగా పట్టుకుని, దాని రూపాన్నీ పూర్తిగా తప్పుగా అర్థం చేసుకున్నట్లు ఉంది. చేతులు తిప్పడం, కెమెరా యాంగిల్స్ మధ్య అసెలైన్ నృత్యం ఎప్పుడో బయటకు వెళ్ళిపోయింది. ఇది పెళ్లిళ్లలో చేసే సంగీత్ డాన్స్ లా ఉంది" అని ఘాటుగా విమర్శించారు. కాంగ్రెస్ నాయకురాలు షామా మహ్మద్ పాటు పలువురు నెటిజన్లు "2000 ఏళ్ల నాటి భరతనాట్య చరిత్ర అనన్యతో అంతమైంది" అంటూ ఘోరంగా ట్రోల్ చేశారు.

అనన్యకు కొరియోగ్రాఫర్ మద్దతు..

ఈ తీవ్రమైన ఆన్లైన్ ట్రోలింగ్పై చిత్ర అసిస్టెంట్ కొరియోగ్రాఫర్ అనన్యా కురుప్ ఇన్స్టాగ్రామ్ వేదికగా స్పందిస్తూ, నటి అనన్యా పాండేకు పూర్తి మద్దతుగా నిలిచారు. రిహార్సల్స్‌కు సంబంధించిన ఫొటోలను పంచుకుంటూ ఆమె ఇలా రాశారు.. "అనన్యా పాండే నిజంగా నేను చూసిన అత్యంత మధురమైన వ్యక్తులలో ఒకరు. ఆమెకు భరతనాట్యం నేర్పించడం నాకు చాలా అద్భుతమైన అనుభూతిని ఇచ్చింది. 'చాంద్ మేరా దిల్' సినిమాలో ఆమె తన నృత్యంతో అదరగొట్టింది (Nailed it). చాలా తక్కువ సమయంలోనే ఆమె ఎంతో కష్టపడి, అంకితభావంతో ఈ స్టెప్స్ నేర్చుకుంది. ఆమె పడిన శ్రమను ఖచ్చితంగా మెచ్చుకోవాలి. సినిమాలోని ఆ సీక్వెన్స్ కేవలం కాలేజీలో ఒక అమాయకపు అమ్మాయి చేస్తే సరదా ఫ్యూజన్ నృత్యమే తప్ప. అదే పూర్తిస్థాయి సాంప్రదాయ భరతనాట్య ప్రదర్శన కాదని, కాబట్టి ఆ కాంటిక్స్ తెలియకుండా సోషల్ మీడియాలో చేస్తున్న విమర్శలు అర్థరహితమని అనన్య అభిమానులు, చిత్ర యూనిట్ అభిప్రాయపడుతున్నారు. ధర్మప్రొడక్షన్స్ బ్యానర్‌పై కరణ్ జోహార్ నిర్మించిన ఈ రొమాంటిక్ డ్రామా చిత్రంలో అనన్య సరసన 'కిల్' మూవీ ఫేమ్ లక్ష్య (Lakshya) హీరోగా నటించారు.