పూజా కార్యక్రమాలతో ప్రారంభమైన "బొమ్మ హిట్"

దిశ, సినిమా : చైల్డ్ ఆర్టిస్టుగా పలు సూపర్ హిట్ చిత్రాల్లో నటించిన అభినవ్ మణికంఠ హీరోగా నటిస్తున్న కొత్త సినిమా "బొమ్మ హిట్". అంజనీపుత్ర ఫిలింస్ బ్యానర్ లో ప్రొడక్షన్ నెంబర్ 1గా గుర్రాల‌‌‌ సంధ్యారాణి నిర్మిస్తుండగా.. బొమ్మ హిట్ చిత్రంతో రాజేష్ గడ్డం దర్శకుడిగా పరిచయమవుతున్నారు. పూజా యడం హీరోయిన్ గా నటిస్తోంది. కాగా ఈ చిత్రం పూజా కార్యక్రమాలతో ప్రారంభమైంది. ఈ సందర్భంగా మాట్లాడిన హీరో.. ‘ఇది హీరోగా నాకు రెండో సినిమా. ఫస్ట్ ఫిలిం వర్క్స్ జరుగుతున్నాయి. బొమ్మ హిట్ సినిమా మంచి ఎంటర్టైన్‌మెంట్‌తో సిచ్యువేషనల్ కామెడీతో వినోదాన్ని ఇస్తుంది. ఈ చిత్రంలో ఫన్‌తో పాటు మంచి ఎమోషన్ కూడా ఉంది. మా బొమ్మ హిట్ సినిమాను ఆడియన్స్ హిట్ చేస్తారని కోరుకుంటున్నా’ అని తెలిపాడు.