OG: రేపటి నుంచి OG కొత్త షెడ్యూల్.. సెట్‌లో అడుగుపెట్టనున్న పవన్ కల్యాణ్ (ట్వీట్)

దిశ, సినిమా: ఏపీ డిప్యూటీ సీఎం, పవర్ స్టార్ పవన్ కల్యాణ్ (Pawan Kalyan) ప్రస్తుతం తను పెండింగ్ పెట్టిన సినిమాలు కంప్లీట్ చేసే పనిలో ఉన్నారు. ఇప్పటికే ‘హరిహర వీరమల్లు’ సినిమాకు సంబంధించిన షూటింగ్ పూర్తి కాగా.. రిలీజ్ డేట్ కూడా అనౌన్స్ చేశారు. ఇప్పుడు ఫ్యాన్స్ కళ్లు ‘ఓజీ’పై పడ్డాయి. ఈ క్రమంలోనే తాజాగా OG షూటింగ్‌కు సంబంధించిన న్యూస్ నెట్టింట వైరల్ అవుతుంది. సుజిత్ (Sujith) దర్శకత్వంలో రాబోతున్న ఈ మూవీలో ప్రియాంక అరుల్ మోహన్ (Priyanka Arul Mohan) హీరోయిన్‌గా నటిస్తుండగా.. ఇమ్రాన్ హష్మి కీలక పాత్రలో కనిపించనున్నాడు.

డీవీవీ దానయ్య నిర్మిస్తున్న ఈ సినిమాకు సంబంధించి లేటెస్ట్‌గా షూటింగ్ అప్‌డేట్ వచ్చింది. రేపటి నుంచి OG కొత్త షెడ్యూల్ స్టార్ట్ కాబోతుందని తెలుస్తోంది. తాడేపల్లిలో 10 రోజుల పాటు జరగనున్న ఈ షూటింగ్ సెట్లో పవన్ కల్యాణ్ అడుగు పెట్టనున్నట్లు టాక్. అలాగే ఈ షూటింగ్‌తో OG చిత్రీకరణ పూర్తి కానుందని సిని వర్గాల నుంచి టాక్. ఇక ‘ఓజీ’ షూటింగ్ కూడా కంప్లీట్ అవుతుందనే వార్తలు ప్రస్తుతం సోషల్ మీడియాలో వైరల్ అవుతుండగా.. పవర్ స్టార్ ఫ్యాన్స్ పండుగ చేసుకుంటున్నారు.