‘లెనిన్’తో హిట్ కొట్టి దర్శకధీరుడిపై కన్నేసిన భాగ్యశ్రీబోర్సే.. షాకింగ్ కామెంట్స్ వైరల్

దిశ, సినిమా: టాలీవుడ్ యంగ్ బ్యూటీ భాగ్యశ్రీ బోర్సే తెలుగులో పలు చిత్రాలు చేసినప్పటికీ పెద్దగా హిట్ అందుకోలేకపోయాయి. ఈ అమ్మడుకి సరైన హిట్ పడనప్పటికీ అవకాశాలు మాత్రం తగ్గలేదు. ఇటీవల భాగ్యశ్రీ, అక్కినేని అఖిల్ జంటగా నటించిన సినిమా ‘లెనిన్’ బాక్సాఫీసు వద్ద బ్లాక్ బస్టర్ హిట్‌గా నిలిచింది. అంతేకాకుండా భారీ కలెక్షన్లు రాబడుతూ దూసుకుపోతోంది. ఈనేపథ్యంలో.. వరుస ఇంటర్వ్యూల్లో పాల్గొంటున్న భాగ్యశ్రీ బోర్సే షాకింగ్ కామెంట్స్ చేశారు. తన డ్రీమ్ రోల్ గురించి భాగ్యశ్రీ మాట్లాడుతూ.. భవిష్యత్తులో దర్శకధీరుడు ఎస్.ఎస్. రాజమౌళి దర్శకత్వంలో పనిచేయడం తన జీవితాశయమని వెల్లడించారు. ముఖ్యంగా భారీ సెట్స్, అద్భుతమైన విజువల్స్ ఉన్న ఒక పీరియాడిక్ డ్రామాలో రాణి పాత్రలో కనిపించాలని తనకు ఎంతో పెద్ద కోరిక ఉందని చెప్పారు. రాజమౌళి సినిమాలు అంటే తనకు అమితమైన ఇష్టమని, ఆయన భారతీయ చలనచిత్ర పరిశ్రమలోనే ఒక గొప్ప లెజెండ్ అని ఆమె ప్రశంసించారు.

ఆయన దర్శకత్వంలో కనీసం ఒక్క సినిమాలో నటించే అవకాశం వచ్చినా, అది తన కెరీర్‌లోనే అత్యంత గొప్ప మైలురాయిగా నిలిచిపోతుందని ఆమె చెప్పారు. అంతేకాకుండా, తాను కేవలం కమర్షియల్ సినిమాల్లో గ్లామర్ పాత్రలకే పరిమితం కావాలని అనుకోవడం లేదని భాగ్యశ్రీ స్పష్టం చేశారు. ఒక నటిగా తనలోని పూర్తి నటనను, ప్రతిభను నిరూపించుకునే విభిన్నమైన, బలమైన పాత్రలు చేయడమే తన లక్ష్యమని పేర్కొన్నారు. అందుకే రాజమౌళి గారి మార్క్ గ్రాండియర్ సినిమాలో ఒక రాణి తరహా పాత్ర అయితే తన నటనను చూపించడానికి పర్ఫెక్ట్ గా ఉంటుందని ఆమె కోరుకుంటున్నారు. 'లెనిన్' సినిమాతో కెరీర్‌లో మొదటి బిగ్ హిట్ అందుకున్న ఈ యంగ్ హీరోయిన్, భవిష్యత్తులో జక్కన్న కంట్లో పడి తన డ్రీమ్ రోల్‌ను దక్కించుకుంటుందో లేదో చూడాలనే ఆసక్తి నెటిజన్లలో నెలకొంది. మరికొందరు అయితే ఆమె మహేష్ బాబు హీరోగా, దర్శకధీరుడు తెరకెక్కిస్తున్న ‘వారణాసి’లో నటిస్తుందనే పుకార్లను పుట్టిస్తున్నారు.