Bhagyashree Borse: ఆ సినిమాలో హీరోయిన్గా భాగ్యశ్రీ బోర్సే ఫిక్స్.. ఇన్స్టా పోస్ట్తో క్లారిటీ ఇచ్చిన బ్యూటీ
యంగ్ బ్యూటీ భాగ్యశ్రీ బోర్సే (Bhagyashree Borse) ‘మిస్టర్ బచ్చన్’ సినిమాతో తన అందం, నటనతో ప్రేక్షకుల దృష్టిని ఆకర్షించింది.
దిశ, సినిమా: యంగ్ బ్యూటీ భాగ్యశ్రీ బోర్సే (Bhagyashree Borse) ‘మిస్టర్ బచ్చన్’ సినిమాతో తన అందం, నటనతో ప్రేక్షకుల దృష్టిని ఆకర్షించింది. ఈ సినిమా హిట్ అందుకోకపోయిన.. బోర్సే యాక్టింగ్కు మాత్రం మంచి మార్కులో పడ్డాయి. దీంతో ఆఫర్లు కూడా వస్తున్నట్లు తెలుస్తుంది. ఈ క్రమంలోనే ప్రస్తుతం విజయ్ దేవరకొండ ‘కింగ్డమ్’ సినిమాతో ఆడియన్స్ ముందుకు వచ్చేందుకు సిద్ధం అవుతోంది. రౌడీ హీరో విజయ్ దేవరకొండ (Vijay Deverakonda), గౌతమ్ తిన్ననూరి (Gautham Tinnanuri) కాంబినేషన్లో వస్తున్న లేటెస్ట్ మూవీ ‘కింగ్డమ్’. వేసవి కానుకగా రానున్న ఈ చిత్రంపై ఇప్పటికే భారీ అంచనాలు నెలకొన్నాయి.
తాజాగా, ‘కింగ్డమ్’ (Kingdom) చిత్రంలోని మొదటి పాట ప్రోమో అప్డేట్ విడుదల చేశారు. ఈ పోస్టర్లో విజయ్ దేవరకొండ ఒక రైల్వే ప్లాట్ఫారమ్పై ఒక అమ్మాయితో కలిసి కూర్చుని, వేగంగా దూసుకుపోతున్న రైలు వైపు చూస్తూ కనిపించారు. ఇందులో హీరో అండ్ హీరోయిన్ ఇద్దరూ కూడా బ్యాక్ నుంచి కనిపించడంతో అందరిలో హీరోయిన్ ఎవరై ఉంటారు అనే సందిగ్ధం మొదలైంది. అయితే.. ఇదే అప్డేట్ భాగ్యశ్రీ బోర్సే కూడా తన ఇన్స్టా వేదికగా పోస్ట్ పెట్టడంతో హీరోయిన్ ఎవరూ అనే విషయంలో నెటిజన్లతో పాటు ఫ్యాన్స్లో క్లారిటీ వచ్చింది. ఇక ఈ సినిమా ఫస్ట్ సింగిల్ ఈరోజు రాబోతున్నట్లు ప్రకటించారు. ప్రజెంట్ ఈ పోస్టర్కు నెట్టింట విశేష స్పందన లభిస్తుంది.
