రవితేజ చేతుల మీదుగా విడుదల కానున్న బ్యాండ్ మేళం సెకండ్ సింగిల్
బ్యాండ్ మేళం సినిమాకు సంబంధించిన రెండవ సింగిల్ను ఫిబ్రవరి 28వ తేదీన రవితేజ గారి చేతుల మీదుగా విడుదల చేయనున్నట్లు మేకర్స్ అధికారికంగా ప్రకటించారు.
దిశ, వెబ్ డెస్క్ : కోర్టు మూవీ ద్వారా మంచి గుర్తింపును సంపాదించుకున్న హర్ష, శ్రీదేవి జంటగా బ్యాండ్ మేళం అనే చిత్రం రూపొందింది. ఈ చిత్రాన్ని మార్చి 13వ తేదీన విడుదల చేయనున్నారు. ఈ సినిమా విడుదల తేదీకి చాలా రోజుల ముందు నుండి ఈ మూవీ యూనిట్ పెద్ద ఎత్తున ప్రచారాలను నిర్వహిస్తూ వస్తోంది. దానితో ఈ సినిమాపై ప్రేక్షకుల్లో కొంతవరకు ఆసక్తి నెలకొంది.
ఈ మూవీ యూనిట్ వరుసగా ఈ చిత్రానికి సంబంధించిన ప్రచార చిత్రాలను కూడా విడుదల చేస్తూ వస్తోంది. అందులో భాగంగా కొన్ని రోజుల క్రితమే ఈ సినిమా నుండి మొదటి పాటను విడుదల చేశారు. దానికి పర్వాలేదనే స్థాయి స్పందన జనాల నుండి దక్కుతుంది. అలాంటి సమయంలోనే బ్యాండ్ మేళం యూనిట్ రెండవ సింగిల్ విడుదలకు సిద్ధమైంది. తాజాగా అందుకు సంబంధించిన అధికారిక ప్రకటనను కూడా విడుదల చేసింది.
ఈ సినిమాకు సంబంధించిన రెండవ సింగిల్ను ఫిబ్రవరి 28వ తేదీన రవితేజ గారి చేతుల మీదుగా విడుదల చేయనున్నట్లు మేకర్స్ అధికారికంగా ప్రకటించారు. మరి ఈ పాట ప్రేక్షకులను ఏ స్థాయిలో ఆకట్టుకుంటుందో చూడాలి. సతీష్ జవ్వాజి దర్శకత్వంలో రూపొందిన ఈ చిత్రాన్ని మ్యాంగో మాస్ మీడియా సమర్పణలో కోనా ఫిల్మ్ కార్పొరేషన్ బ్యానర్ పై కావ్య శ్రావ్య నిర్మించారు.
